ક્યારે રિલીઝ થશે અજય દેવગન સ્ટારર ‘દ્રશ્યમ ૩’? ‘પાતાળ લોક’નો આ દમદાર એક્ટર સસ્પેન્સમાં કરશે જબરદસ્ત વધારો
બોલિવૂડની સૌથી સફળ અને મનમોહક સસ્પેન્સ-થ્રિલર ફ્રેન્ચાઈઝી ‘દ્રશ્યમ’ના ચાહકો માટે એક બહુ જ મોટા અને ઉત્સાહજનક સમાચાર સામે આવ્યા છે. અજય દેવગનની મુખ્ય ભૂમિકાવાળી આ સુપરહિટ સિરીઝનો ત્રીજો ભાગ એટલે કે ‘દ્રશ્યમ ૩’ (Drishyam 3) ટૂંક સમયમાં જ સિનેમાઘરોમાં ધમાકો કરવા માટે તૈયાર છે. દર્શકો વર્ષોથી વિજય સાલગાંવકર અને તેના પરિવારની આગળની વાર્તા જાણવા માટે આતુરતાથી રાહ જોઈ રહ્યા છે.
હાલમાં જ આ ઓરિજિનલ વાર્તાના સર્જક અને મલયાલમ સિનેમાના સુપરસ્ટાર મોહનલાલની ‘દ્રશ્યમ ૩’ મોટા પડદા પર રિલીઝ થઈ ચૂકી છે. આ સમાચાર આવ્યા બાદ હિન્દી ભાષી દર્શકોમાં અજય દેવગન વાળી ‘દ્રશ્યમ ૩’ ને લઈને ક્રેઝ બમણો થઈ ગયો છે. દરેક વ્યક્તિ એ જાણવા માંગે છે કે હિન્દીમાં આ ફિલ્મ ક્યારે રિલીઝ થશે અને આ વખતે વાર્તામાં શું નવું જોવા મળશે.
પહેલો અને બીજો ભાગ રહ્યો છે સુપર-ડુપર હિટ
આ પહેલાં રિલીઝ થયેલા ‘દ્રશ્યમ’ ના બંને ભાગ બોક્સ ઓફિસ પર બ્લોકબસ્ટર સાબિત થયા હતા. ફિલ્મના પહેલા ભાગમાં જે રીતે વિજય સાલગાંવકરે ચોથી પાસ હોવા છતાં કેબલ ઓપરેટરના પોતાના મગજ અને ફિલ્મો જોવાની આદતથી પોલીસને ચકમો આપ્યો હતો, તેણે દર્શકોની સીટો પરથી ઉભા થવા દીધા ન હતા. ત્યારબાદ વર્ષ ૨૦૨૨ માં આવેલા બીજા ભાગે પણ સસ્પેન્સ અને રોમાંચની તમામ હદો પાર કરી દીધી હતી. અજય દેવગન, તબુ અને અક્ષય ખન્નાની જુગલબંદીએ લોકોનું ભરપૂર મનોરંજન કર્યું હતું અને ફિલ્મએ કમાણીના અનેક રેકોર્ડ તોડ્યા હતા.
અજય દેવગને પોતે કરી ઓફિશિયલ રિલીઝ ડેટની જાહેરાત
ચાહકોની લાંબી પ્રતીક્ષાનો અંત લાવતા ખુદ સુપરસ્ટાર અજય દેવગને સત્તાવાર રીતે ‘દ્રશ્યમ ૩’ ની રિલીઝ ડેટ જાહેર કરી દીધી છે. આ મોસ્ટ અવેટેડ ફિલ્મ આગામી ૨ ઓક્ટોબર ૨૦૨૬ ના રોજ સિનેમાઘરોમાં રિલીઝ થવા જઈ રહી છે. ફિલ્મની વાર્તામાં ૨ ઓક્ટોબરની તારીખનું જે વિશેષ મહત્વ છે (૨ ઓક્ટોબરે વિજય સાલગાંવકર તેના પરિવાર સાથે પણજી ગયો હતો), તેને ધ્યાનમાં રાખીને મેકર્સે ગાંધી જયંતિના આ શુભ અવસરને જ ફિલ્મની રિલીઝ માટે પસંદ કર્યો છે. આ જાહેરાત બાદ સોશિયલ મીડિયા પર ફેન્સ અત્યારથી જ મહિનાઓ ગણવા લાગ્યા છે.
“આખરી હિસ્સો બાકી હૈ”: આ હશે સિરીઝની છેલ્લી ફિલ્મ!
ફિલ્મની જાહેરાત કરતી વખતે અજય દેવગને એક ખૂબ જ રસપ્રદ લાઇન કહી છે, જેણે દર્શકોમાં ઉત્સુકતા વધારી દીધી છે. તેમણે કહ્યું કે, “આખરી હિસ્સો બાકી હૈ” (છેલ્લો ભાગ બાકી છે). આનાથી સ્પષ્ટ સંકેત મળે છે કે ‘દ્રશ્યમ ૩’ આ પ્રખ્યાત સસ્પેન્સ સિરીઝનો અંતિમ ભાગ હોઈ શકે છે. ફિલ્મની વાર્તા આ ત્રીજા ભાગ સાથે તેના તાર્કિક અંત પર પહોંચશે. તાજેતરમાં રિલીઝ થયેલા ફિલ્મના ટીઝરમાં પણ આ જ વાત પર ભાર મૂકવામાં આવ્યો છે, જેના કારણે દર્શકો આ ક્લાઈમેક્સ જોવા માટે બેતાબ બન્યા છે.
વાર્તામાં નવો ટ્વિસ્ટ: વિજય સાલગાંવકરની સ્માર્ટ પ્લાનિંગ
આપણે અગાઉની બંને ફિલ્મોમાં જોયું છે કે વિજય સાલગાંવકર (અજય દેવગન) પોતાના પરિવારને કાયદાના સિકંજામાંથી બચાવવા માટે કેટલી ચતુરાઈથી પોલીસ તંત્ર અને પુરાવાઓ સાથે રમત રમે છે. પરંતુ ત્રીજા ભાગમાં આ પરિવાર ફરી એકવાર કોઈ મોટી મુશ્કેલીમાં ફસાતો જોવા મળશે.
નવી વાર્તામાં સસ્પેન્સનું સ્તર પહેલા કરતા દસ ગણું વધારે હશે. આ વખતે વિજય સાલગાંવકર સામે વધુ સ્માર્ટ અને આધુનિક પોલીસ પડકારો હશે. ડિરેક્ટર અભિષેક પાઠક આ વખતે પણ દર્શકોને એવા ટ્વિસ્ટ એન્ડ ટર્ન્સ આપવાની તૈયારીમાં છે, જેની કોઈ કલ્પના પણ નહીં કરી શકે. વાર્તામાં માઇન્ડ ગેમ્સ અને નવી સ્માર્ટ પ્લાનિંગ જોવા મળશે.
‘પાતાળ લોક’ ના ખતરનાક વિલન જયદીપ અહલાવતની એન્ટ્રી
‘દ્રશ્યમ ૩’ ને વધુ રોમાંચક બનાવતું સૌથી મોટું ફેક્ટર આ વખતે ફિલ્મની સ્ટારકાસ્ટમાં થયેલો નવો ફેરફાર છે. ઓટીટી પ્લેટફોર્મની સુપરહિટ વેબ સિરીઝ ‘પાતાળ લોક’ (Paatal Lok) માં પોતાની શાનદાર એક્ટિંગથી ધૂમ મચાવનાર ધાકડ એક્ટર જયદીપ અહલાવત (Jaideep Ahlawat) ની આ ફિલ્મમાં એન્ટ્રી થઈ ગઈ છે.
જયદીપ અહલાવત આ ફિલ્મમાં એક પાવરફુલ પોલીસ ઓફિસર અથવા વિરોધી પાત્રમાં જોવા મળશે, જે અજય દેવગનની મુશ્કેલીઓમાં જબરદસ્ત વધારો કરશે. રિપોર્ટ્સનું માનીએ તો, આ કેરેક્ટર માટે પહેલા અક્ષય ખન્નાના નામનો વિચાર કરવામાં આવી રહ્યો હતો, પરંતુ હવે જયદીપ અહલાવત આ રોલ ભજવશે. જયદીપની ગંભીર અને તીક્ષ્ણ અભિનય શૈલી વિજય સાલગાંવકર સામેના સસ્પેન્સને ક્લાસિક લેવલ પર લઈ જશે તે વાત નક્કી છે. અજય દેવગન અને જયદીપ અહલાવત વચ્ચેની આ ટક્કર થિયેટરોમાં જોવા જેવી હશે.
