બોલિવુડમાંથી મોટા સમાચાર સામે આવી રહ્યા છે,અભિનેતા સંજય દત્તને લઈને મુંબઈની લીલાવતી હોસ્પિટલમાં દાખલ કરવામાં આવ્યો છે. મળતી માહિતી અનુસાર સંજય દત્તને શ્વાસ લેવામાં તકલીફ હોવાની ફરિયાદ હતી જેના પગલે તેને હોસ્પિટલમાં દાખલ કરવામાં આવ્યો છે.
મળતી માહિતી મુજબ બોલીવુડ અભિનેતા સંજય દત્તને મોડી રાતે શ્વાસ લેવામાં તકલીફની ફરિયાદને પગલે મુંબઈની જાણીતી લીલાવતી હોસ્પિટલમાં દાખલ કરવામાં આવ્યો છે. જો કે તેને નોન-કોવિડ વોર્ડમાં દાખલ કરવામાં આવ્યો છે અને તેનો કોરોનાનો રેપિડ ટેસ્ટ પણ નેગેટિવ હોવાની સૂત્રો દ્વારા માહિતી મળી રહી છે.
ત્યારે જાણવા મળી રહ્યુ છે કે હોસ્પિટલના સૂત્રો તરફથી માહિતી મળી હતી કે સંજય દત્તની હેલ્થ અત્યારે હાલ સારી છે પરંતુ મેડિકલ ઓબ્ઝર્વેશન માટે હજુ તે હોસ્પિટલમાં જ દાખલ રહેશે. અભિનેતાએ શ્વાસ લેવામાં તકલીફની ફરિયાદ કરી હતી જેના કારણે તેને હોસ્પિટલમાં દાખલ કરવો પડ્યો હતો.
પરંતુ ખુશીની વાતએ છે કે સંજય દત્તનો કોરોના રેપિડ એન્ટિજન ટેસ્ટ થયો હતો જે નેગેટિવ આવ્યો હતો અને ત્યાર બાદ તેનો સ્વૉબ ટેસ્ટ પણ કરવામાં આવ્યો હતો. જો બધુ ઠીક રહ્યું તો ડૉક્ટર અનુસાર તેને કાલે ડિસ્ચાર્જ કરી દેવાશે.
ઉલ્લેખનીય છે કે સંજય દત્ત આ સમયે પરિવારથી દૂર રહે છે. લોકડાઉન દરમિયાન માન્યતા બંને બાળકો સાથે દુબઇમાં રહે છે. સંજય દત્ત છેલ્લા ઘણા સમયથી તેના પરિવારને મિસ કરી રહ્યો હતો. તેઓએ સોશિયલ મીડિયા પર પરિવાર સાથે ફોટા મૂકીને પણ તેમની લાગણી વ્યક્ત કરી છે.
