અત્યારે સાઉથ મુવી દર્શકોને ખૂબ પસંદ આવી રહી છે,ત્યારે હવે સાઉથ સુપરસ્ટાર વિજય દેવરાકોંડાની આગામી ફિલ્મ ‘લાઈગર’નું નવું પોસ્ટર રિલીઝ કરવામાં આવ્યું છે. આ પોસ્ટરમાં એક્ટરનો નવો લુક સામે આવ્યો છે, જેમાં તેણે ન્યૂડ પોઝ આપ્યો છે. આ પોસ્ટરે સોશિયલ મીડિયા પર ખળભળાટ મચાવી દીધો છે.
એક્ટર વિજય દેવરાકોંડાએ ‘લાઈગર’નું પોસ્ટર શેર કરતા લખ્યું, આ ફિલ્મે મારું બધું લઈ લીધું છે. પરફોર્મન્સ, મેન્ટલી, ફિઝિકલી અને મારા માટે સૌથી પડકારજનક રોલ. હું મારું બધું આપી રહ્યો છું. ટૂંક સમયમાં આવી રહી છે લાઈગર. તેમજ કરણ જોહરે આ પોસ્ટરને શેર કરતા લખ્યું, ‘રોઝ રોઝ આવી ગિફ્ટ નથી મળતી.’ હકીકતમાં વિજયે હાથોમાં ગુલાબનું ફૂલ પકડ્યું છે તેથી ફિલ્મમેકરે આ કેપ્શન લખ્યું છે.
વિજય દેવરાકોંડાનું આ પોસ્ટર જોઈ ફેન્સ વિવિધ પ્રકારની પ્રતિક્રિયા આપી રહ્યા છે. કેટલાક ફેન્સે કહ્યું, ઈન્ડસ્ટ્રીમાં અમુક જ એવા કલાકારો છે જે આ પ્રકારના બોલ્ડ રોલ્સને સ્વીકારે છે. આ પોસ્ટ પર કેટલાક યુઝર્સે ફિલ્મ પીકેના આમિર ખાનના લુકને યાદ કર્યો, કેમ કે પીકે ફિલ્મ માટે મિસ્ટર પરફેક્શનિસ્ટે આવો જ પોઝ આપ્યો હતો.
આ એક એક્શન થ્રિલર ફિલ્મ હશે. વિજય અને અનન્યા સિવાય આ ફિલ્મમાં રામ્યા કૃષ્ણા, રોનિત રોય, અલી, મકરંદ દેશપાંડે અને વિષ્ણુ રેડ્ડી પણ મુખ્ય ભૂમિકામાં છે. લાઈગર 25 ઓગસ્ટ 2022ના રોજ સિનેમાઘરોમાં હિન્દી, તમિલ, તેલુગુ, કન્નડ, અને મલયાલમ ભાષામાં રિલીઝ કરવામાં આવશે. ઉલ્લેખનીય છે કે, ફિલ્મ ‘અર્જુન રેડ્ડી’ ફૅમ સાઉથ સુપરસ્ટાર વિજય દેવરાકોંડા કરન જોહરની ફિલ્મ ‘લાઈગર’થી બોલિવૂડ ડેબ્યુ કરી રહ્યો છે.
