કોમેડિયન સુનીલ ગ્રોવર તેના ગુથ્થીના કેરેક્ટરના કારણે ઘર ઘરમાં પ્રચલિય થયો છે અને તેના જોક્સ કોને પસંદ ન હોય. તે માત્ર કલાકાર જ નથી પરંતુ એવો પરફોર્મર છે જે દર વખતે પ્રેક્ષકોના ચહેરા પર હાસ્ય લાવવામાં સફળ રહે છે.
પરંતુ ઘણા સમયથી ટીવીના પડદા પરથી દૂર થઈ ગયેલો સુનીલ ગ્રોવર ફરીથી પ્રેક્ષકોને હસાવવા માટે આવી રહ્યો છે. સુનીલને નવો શો ટૂંક સમયમાં શરૂ થઈ રહ્યો છે.મળતી માહિતી મુજબ સ્ટાર ભારત પર ગેંગ્સ ઓફ ફિલ્મીસ્તાન નામના એક શોની શરૂઆત થવા જઈ રહી છે.
વાત કરીએ આ શો તો આ શોમાં સુનીલ ગ્રોવરની સાથે શિલ્પા શિંદે, સુગંધા મિશ્રા, સિદ્ધાર્થ સાગર, ઉપાસના સિંહ અને જતીન સૂરી જોવા મળશે. આ શોનો પ્રથમ પ્રોમો રિલીઝ થઈ ગયો છે જે જોઈને જ લાગે છે કે સુનીલ આ વખતે કોઈ નવી જ સ્ટાઇલમાં જોવા મળશે. તે એક ડોનની ભૂમિકામાં છે.
ગેંગ્સ ઓફ ફિલ્મીસ્તાનમાં સુનીલ ગ્રોવર પોતે તો પ્રેક્ષકોને હસાવશે જ પરંતુ સાથે સાથે પોતાની સાથી કલાકારો દ્વારા પણ લોકોને હસાવશે. સુનીલ પોતે પણ આ શોને લઈને રોમાંચિત છે. આ શો 31મી ઓગસ્ટે રાત્રે 8.00 કલાકે સ્ટાર ભારત પરથી આ શોનું પ્રસારણ કરાશે.
