કોરોનાના કાળા કેહરથી નેતાઓ અને આગેવાનો પણ કોરોનાના ચેપથી દૂર નથી રહી શક્યા,અમદાવાદમાં વધુ એક કોંગ્રેસી નેતાનું કોરનાથી મોત થયું છે. ગુજરાતમાં અમદાવાદમાં કોરનાને કારણે સૌથી વધુ મોત થયા છે અને સૌથી વધુ કોરનાના કેસ પણ નોંધાયા છે.
જમાલપુર વોર્ડના કોંગ્રેસના નેતા હબીબ મેવનું કોરોનાથી મોત થયું છે. કોરોનાથી સંક્રમિત થયા બાદ હબીબ મેવને સિવિલ હોસ્પિટલમાં દાખલ કરવામાં આવ્યા હતા. જ્યાં સારવાર દરમ્યાન તેમનું મોત નિપજ્યું.
આપને જણાવી દઇએ કે કોરોનાથી અમદાવાદમાં વધુ એક કોંગ્રેસી નેતાનું મોત થયુ છે. અગાઉ બદરૂદ્દીન શેખનું પણ કોરોનાથી મોત થયું હતુ અને ઈમરાન ખેડાવાલા ખુદ કોરોનાની ઝપેટમાં આવ્યા હતા.
અમદાવાદ મ્યુનિસિપલ કોર્પોરેશનના કોંગ્રેસ તરફથી વિપક્ષના પૂર્વ નેતા અને બહેરામપુરાના વર્તમાન કોર્પોરેટર બદરુદ્દીન શેખનું કોરોના વાયરસને કારણે નિધન થયુ હતુ. તેમને SVPમાં દાખલ કરવામાં આવ્યા હતા. 6 વખત ડાયાલીસીસ કર્યા હોવા છતાં રિકવરી આવી રહી નહોતી. તેમને વેન્ટિલેટર પર રાખવામાં આવ્યા હતા પરંતુ કોરોના સામેની જંગ તેઓ હારી ગયા હતા.
