આ ઉનાળામાં પીળો કલર ટ્રેન્ડમાં છે. યલો કલર ખરેખર આ ઉનાળામાં હોટ ફેવરેટ રહેશે. લેમન યલોથી લઈને ઓરેન્જ યલોને ફેશનિસ્ટા પોતાનો મનપસંદ રંગ બનાવી રહી છે. ઉનાળામાં યલો કલર ઈન છે. ફેશન શોથી લઈને સામાન્ય યુવતીઓ આ વખતે સનશાઈન યલો પસંદ કરી રહી છે. લેમન યલો અને ઓરેન્જ પણ છે યુવતીઓનો હોટફેવરેટ કલર છે. હવે યુવતીઓ યલો ડ્રેસ સાથે યલો શુઝની પેર પણ પસંદ કરી રહી છે.. અને યલો પર્સ પણ છે ફેશનમાં.
ગરમીમાં દિવસેને દિવસે વધતા તાપમાનના પારાના કારણે યુવતીઓની પસંદગી બદલાઇ રહી છે. ત્યારે લોકો હવે ડાર્ક કલર્સ છોડીને સોફ્ટ અને લાઈટ કલર્સ પસંદ કરે છે. ત્યારે ઉનાળામાં હાલ સૌથી વધુ યલો કલરના જુદા-જુદા શેડ્સ ટ્રેન્ડમાં જોવા મળે છે. યલો કલર કોઈપણ સ્કિન ટોન ડસ્કી, ફેર અને મીડિયમમાં શેડ્સ પ્રમાણે સેટ થઈ જાય છે. ઇન્ડિયન સ્કિન ટોન પર મસ્ટર્ડ યલો ખૂબ જ સૂટ કરે છે..
રુટિનમાં પહેરવા માટે પણ યલો કલર પ્રિય રંગો પૈકીનો એક છે. યલો રંગ ગમવાનું એક કારણ એ પણ છે કે તે ગોલ્ડનો અન્ડરટોન છે અને મને સોનું વધારે પ્રિય છે. જો તમે હજી પણ યલો રંગને લઇને કનફ્યૂઝ્ડ છો તો તમારે યલો એક્સેસરીઝ જેમ કે શૂઝ, બેગ્સ અથવા જ્વેલરીનો ઉપયોગ કરવો જોઇએ.
યલો કલર એકદમ જ તમારા સ્કિન ટોનને એન્હેન્સ કરે છે.. યલો રંગ એ અત્યારે ખૂબ જ ટ્રેન્ડમાં છે ત્યારે તે રંગ દેશના તમામ ફેશન બ્લોગર્સમાં પણ હોટ ફેવરેટ જોવા મળી રહ્યો છે. અમદાવાદ જેવા શહેરમાં જ્યાં આપણે રોજ જ આટલી ગરમી સહન કરવી પડે છે ત્યારે આ રંગ ખૂબ જ યોગ્ય છે. સાદા યલો ટોપ કરતાં ફ્લોરલ પ્રિન્ટ, મેક્સિ વિથ બોલ્ડ કટ્સ અને પેન્ટ્સ વિથ બ્રિઝી ટોપ્સ ખૂબ જ કમ્ફર્ટેબલ અને ટ્રેન્ડી દેખાશે.
કોઇપણ યલો કલરનો શેડ તમને એક અલગ જ ખુશી અને ફ્રેશનેસનો અનુભવ કરાવી શકે છે. યલો એક એવો શેડ છે જે બધાને જ ગમતો હોય છે. આજકાલ દરેક સ્ટોરમાં સોર્બેટ હ્યુસથી લઇને નિયોન યેલો અને ડસ્કી ઓકર્સથી લઇને મસ્ટર્ડ સુધી બધા જ પ્રકારના લોકો માટે યેલો રંગના શેડ્સ જોવા મળતા હોય છે. એટલે આ બિલકુલ આશ્ચર્યની વાત નથી કે આ સમરમાં યલો રંગ બધા જ ફેશન ચાર્ટ્સમાં ટોપ કરી રહ્યો છે. કોઇપણ રુટિન ડ્રેસને તમે યલો સાથે મિક્સ એન્ડ મેચ કરશો તો તમારા એ નોર્મલ લૂકમાં એકદમ બ્રાઇટનેસ આવી જશે. એક સાદા સફેદ અથવા બ્લૉક કલર્ડ આઉટફિટને તમે બ્રાઇટ યલો એક્સેસરીઝ સાથે પહેરી શકો છો.
