કેરીની સિઝનમાં આજે બનાવો કાચી કેરીનું શાક,જાણો કાચી કેરીના શાકની એકદમ ઇઝી રેસિપી

ઉનાળાની શરુઆત થતાં જ માર્કેટમાં કાચી કેરી મળવા લાગે. આ સાથે જ મોટાભાગના ઘરોમાં અથાણા બનવા લાગે. કેટલીક ગૃહિણીઓ કાચી કેરીમાંથી શાક પણ બનાવતી હોય છે. જે ખાવામાં એકદમ ચટાકેદાર હોય છે. આજે અમે તમને આ જ શાકની રેસિપી શીખવવા જઈ રહ્યા છીએ

     સામગ્રી

• 300 ગ્રામ કાચી કેરી
• 1 ચમચી જીરું
• ચપટી હીંગ
• 1 નંગ તમાલપત્ર
• 2 ચમચી ગોળ
• 2 ચમચી તેલ
• 1/2 ચમચી હળદર
• 2 નંગ સૂકા લાલ મરચા
• 1/2 ચમચી લાલ મરચું પાઉડર

બનાવવાની રીત

કાચી કેરીને ધોઈને સાફ કરી લો. તેની છાલ કાઢીને મીડિયમ સાઈઝના ટુકડાં કરી લો.એક પેનમાં તેલ ગરમ કરવા મૂકો. તેલ ગરમ થાય એટલે તેમાં જીરું, તમાલપત્ર, સૂકા લાલ મરચા, વરિયાળી લઈને 1 મિનિટ માટે શેકી લો.તેમાં સમારેલી કાચી કેરી, લાલ મરચું પાઉડર, મીઠું, ગોળ તેમજ થોડું પાણી ઉમેરીને મિક્સ કરી લો. પેન પર ઢાંકણ ઢાંકી દો અને કેરી ચડવા દો. આ દરમિયાન ગેસની ફ્લેમ મીડિયમ રાખવી. ઢાંકણ ખોલીને ફરીથી એકવાર ચમચાથી મિક્સ કરી લો. જેથી મસાલા એકબીજા સાથે સરસ રીતે ભળી જાય. તો તૈયાર છે કાચી કેરીનું શાક. આ શાકને ભાખરી, રોટલી કે પરાઠા સાથે સર્વ કરો.