ક્યારેય ન થોભનારું શહેર મુંબઈ કોરોનાને લીધે આંશિક બંધ, મુંબઈમાં 50 ટકા બજારો રહેશે બંધ

મુંબઈને ક્યારેય ન થોભનારું શહેર કહેવાય છે. પણ એક કાળમાં કામગાર નેતા જ્યોર્જ ફર્નાન્ડિસે મુંબઈની રફ્તાર રોકી દીધી હતી. ત્યારે આજે કોરોના વાઇરસના પ્રસારના ભયે મુંબઈ શહેરને બ્રેક લાગી હોય તેમ લાગી રહ્યું છે.. કોરોના વાઇરસનો પ્રસાર વ્યાપક ન બને એ માટે  મહારાષ્ટ્ર સરકારે મૉલ, નાટયગૃહો, સિનમા ગૃહો ઉપરાંત શાળા-કૉલેજો બંધ કરવાનો આદેશ બહાર પાડયો છે…તો હવે મુંબઈમાં આજથી 50 ટકા બજાર બંધ રાખવા બીએમસી દ્વારા જાહેરનામુ બહાર પાડવામાં આવ્યું છે. એટલે કે એક દિવસમાં એક બજાર બંધ રહેશે તો બીજા દિવસે કોઈ અન્ય બજાર. જેમાં શોપિંગ સેન્ટર, નાની દુકાન સામેલ છે. આ નિર્ણય મુંબઈના રસ્તા પર ભીડ ઓછી કરવા માટે લેવામાં આવ્યો છે.પબ્લિક ટ્રાન્સપોર્ટ ટ્રેનો અને બસોમાં યાત્રીની ક્ષમતા ઓછી કરવામાં આવી છે. જે મુજબ 50 ટકા લોકો પ્રમાણે મુંબઈમાં બસ અને ટ્રેન ચાલશે. જોકે બીએમસીએ  બજાર ખોલવા પર એક સર્ક્યુલર પર કામ કરી રહી છે. જેમાં એ નક્કી કરવામાં આવશે કયા રસ્તા પર કઈ બજાર, દુકાન, સેન્ટર બંધ રાખવામાં આવશે. જે અનુસાર કેટલીક દુકાનો સવાર તો કેટલીક બપોર સુધી ખુલી રહેશે. કોરોનાથી બચવા માટે મહારાષ્ટ્ર સરકાર ખૂબ જ સતર્ક છે. મહારાષ્ટ્રમાં કોરોના વાયરસના કેસો સૌથી વધુ હોવાથી સરકારી ઓફિસોમાં પણ 50 ટકા કર્મચારીઓને કામ કરવા માટે કહેવામાં આવ્યું છે.નેશનલ રેસ્ટોરન્ટ એસોસિએશન ઓફ ઇન્ડિયા એટલે કે NRAI અંતર્ગત આવતી મુંબઈની રેસ્ટોરન્ટો બંધ કરવાનો આદેશ આપવામાં આવ્યા છે. સાથે જ શાકભાજી, ફળ અને અનાજ સપ્લાઈ કરનારી APMC સપ્તાહમાં બે દિવસ બંધ રહેશે તો તમામ પર્યટન સ્થળ પણ બંધ કરવામાં આવ્યા છે… મુંબઈમાં હાલમાં આ તમામ આદેશ 31 માર્ચ સુધી લાગુ રહેશે.