બાથરૂમના નળ કેમ પડી જાય છે લીલા? જાણો તેનું કારણ અને સાફ કરવાની સૌથી સરળ રીત

Bathroom Cleaning Tips: બાથરૂમ કે નળ નીચે જામી ગયેલી જિદ્દી લીલથી છો પરેશાન? ઘરમાં રહેલી આ વસ્તુઓથી ચમકાવો ચકાચક

ઘરની સફાઈમાં સૌથી અઘરું અને કંટાળાજનક કામ જો કોઈ હોય તો તે છે બાથરૂમની સફાઈ. ઘણી વખત નિયમિત સફાઈ કરવા છતાં પણ બાથરૂમના નળ, વોશબેસિન, ટાઇલ્સ કે કોમોડની આસપાસ લીલા કે વાદળી રંગના જિદ્દી ડાઘ અને લીલ જામવા લાગે છે. આ નિશાન દેખાવમાં એટલા ગંદા લાગે છે કે તે આખા બાથરૂમની સુંદરતા અને ચમકને બગાડી નાખે છે.

સામાન્ય રીતે લોકો આ ડાઘા દૂર કરવા માટે બજારમાંથી મોંઘા અને કેમિકલયુક્ત ક્લીનર્સ ખરીદી લાવે છે, જે ક્યારેક નળની ક્રોમ પ્લેટિંગને કાળી પાડી દે છે. પરંતુ સારી વાત એ છે કે આ જિદ્દી ડાઘાને હટાવવા માટે મોંઘા કેમિકલની કોઈ જરૂર નથી. રસોડામાં રહેલી કેટલીક સામાન્ય વસ્તુઓની મદદથી તમે બાથરૂમને આઈના જેવું ચમકાવી શકો છો.

નળ અને ટાઇલ્સ પર કેમ બને છે લીલા-વાદળી રંગના ડાઘ?

સૌથી પહેલા એ સમજવું જરૂરી છે કે આ ડાઘા અને લીલ થવાનું મુખ્ય કારણ શું છે. ઘણા લોકો તેને માત્ર ફૂગ સમજી લેવાની ભૂલ કરે છે.

કોપર પાઇપલાઇન: જો તમારા ઘરમાં પાણીની પાઇપલાઇન કોપર (તાંબા)ની છે, તો સમય જતાં પાણીના સંપર્કમાં આવવાથી તાંબુ ઓક્સિડાઇઝ્ડ થાય છે. તેના કારણે નળની આસપાસ વાદળી-લીલા રંગના ડાઘા દેખાવા લાગે છે.

ભેજ અને કાટ: બાથરૂમમાં સતત રહેતો ભેજ લીલ અને ફૂગને આમંત્રણ આપે છે.

ખનિજો (હાર્ડ વોટર): પાણીમાં રહેલા કેલ્શિયમ, મેગ્નેશિયમ જેવા ખનિજો અને પાઇપનો કાટ ભેગા મળીને ટાઇલ્સ પર કાયમી ડાઘા જમાવી દે છે.

આ રહ્યા કાયમી સફાઈ માટેના દેશી અને અસરકારક ઘરગથ્થુ ઉપાયો

૧. સફેદ સરકો (વિનેગર), મીઠું અને લોટની પેસ્ટ

જો બાથરૂમમાં ખૂબ જ જૂના અને કડક ડાઘા હોય, તો આ નુસખો રામબાણ સાબિત થશે. વિનેગર, મીઠું અને ઘઉંનો લોટ ત્રણેય સરખા પ્રમાણમાં લો. તેને મિક્સ કરીને એક ઘટ્ટ પેસ્ટ (પેસ્ટ જેવું મિશ્રણ) તૈયાર કરો. હવે આ પેસ્ટને ડાઘા વાળી જગ્યા કે નળ પર લગાવીને ૩૦ મિનિટ માટે છોડી દો. ત્યારબાદ જૂના ટૂથબ્રશ કે હળવા સ્ક્રબરથી ઘસીને પાણીથી ધોઈ લો. એસિડિક ગુણોને કારણે ડાઘા તરત જ ગાયબ થઈ જશે.

૨. લીંબુ અને મીઠાની કમાલ

મીઠું એક ઉત્તમ કુદરતી સ્ક્રબર છે. ડાઘ વાળી જગ્યા પર થોડું મીઠું છાંટો. હવે અડધા કાપેલા લીંબુને તે મીઠા પર અને ડાઘા પર રાખીને ધીમે-ધીમે ઘસો. લીંબુમાં રહેલું સાઇટ્રિક એસિડ અને મીઠાનું ટેક્સચર ભેગા મળીને ગમે તેવા જિદ્દી ડાઘાને ઢીલા કરી દે છે અને નળ એકદમ નવા જેવા ચમકી ઉઠે છે.

૩. બેકિંગ સોડા અને સફેદ વિનેગરનું પાવરફુલ કોમ્બિનેશન

આ સોલ્યુશન બાથરૂમ ક્લીનિંગ માટે સૌથી લોકપ્રિય છે. બેકિંગ સોડા પર વિનેગર નાખતા જ ફીણ થવા લાગશે. આ પેસ્ટને ટાઇલ્સની તિરાડો કે નળની નીચે લગાવીને ૧૦ થી ૧૫ મિનિટ સુધી રહેવા દો. ત્યારબાદ બ્રશથી સાફ કરી લો. ટાઇલ્સ પરના ડાઘા હટાવવા માટે તમે હાઇડ્રોજન પેરોક્સાઇડ, ટૂથપેસ્ટ અથવા રબિંગ આલ્કોહોલનો પણ ઉપયોગ કરી શકો છો.

ખાસ ચેતવણી: કોઈપણ ઘરગથ્થુ ઉપાય કે ક્લીનરને આખા બાથરૂમમાં વાપરતા પહેલા, નળ કે ટાઇલ્સના એક નાના અને ખૂણાના ભાગ પર ટેસ્ટ (Try) કરી જુઓ, જેથી તેની કોઈ આડઅસરથી નળ કે ટાઇલ્સ ખરાબ ન થાય.

વારંવાર ડાઘા પડતા રોકવા માટે આટલું ધ્યાન રાખો