ઘરે બનાવો પૌષ્ટિક અને સ્વાદિષ્ટ દૂધીનો હલવો; જાણો બનાવવાની સરળ રીત

પરફેક્ટ દૂધીનો હલવો બનાવવાની સિક્રેટ ટ્રિક: ક્યારે ઉમેરવો માવો અને કેટલી રાખવી ખાંડ?

આજના સમયમાં જ્યારે આપણે હેલ્ધી લાઈફસ્ટાઈલ તરફ વળી રહ્યા છીએ, ત્યારે મીઠાઈમાં પણ ‘હેલ્ધી’ ઓપ્શન શોધવા જરૂરી બન્યા છે. દૂધી એક એવી શાકભાજી છે જે ફાઈબર અને વિટામિન્સથી ભરપૂર છે. જો તમારા બાળકો દૂધીનું શાક ખાવામાં આનાકાની કરતા હોય, તો ‘દૂધીનો હલવો’ તેમને આ શાકભાજી ખવડાવવાનો સૌથી સ્વાદિષ્ટ રસ્તો છે. સોજી કે ચણાના લોટના હલવા કરતા દૂધીનો હલવો પચવામાં હલકો અને વધુ પૌષ્ટિક હોય છે.

જરૂરી સામગ્રી (Ingridients):

શ્રેષ્ઠ સ્વાદ માટે સામગ્રીનું માપ સચોટ હોવું જરૂરી છે:

• ૫૦૦ ગ્રામ તાજી દૂધી

• અડધો કપ તાજો માવો (ખોયા)

• અડધો કપ ફૂલ ક્રીમ દૂધ

• અડધો કપ ખાંડ (સ્વાદ મુજબ વધુ-ઓછી કરી શકાય)

• ૨-૩ ચમચી શુદ્ધ દેશી ઘી

• એલચી પાવડર અને સમારેલા ડ્રાય ફ્રૂટ્સ (કાજુ, બદામ, પિસ્તા)

દૂધીનો હલવો બનાવવાની સ્ટેપ-બાય-સ્ટેપ રીત:

પગલું ૧: દૂધીની તૈયારી સૌ પ્રથમ દૂધીને ધોઈને તેની છાલ ઉતારી લો. દૂધીને વચ્ચેથી કાપી તેના બીજવાળો ભાગ કાઢી નાખો અને માત્ર બહારના કઠણ ભાગને છીણી લો. દૂધી છીણ્યા પછી તેને તરત જ વાપરવી, નહીંતર તે કાળી પડી શકે છે.

પગલું ૨: ઘીમાં શેકવી એક જાડા તળિયાવાળી કડાઈમાં ૨-૩ ચમચી દેશી ઘી ગરમ કરો. ઘી ગરમ થાય એટલે તેમાં છીણેલી દૂધી ઉમેરો. દૂધીને લગભગ ૨ થી ૩ મિનિટ સુધી મધ્યમ આંચ પર શેકો જેથી તેનું કાચુંપણું દૂર થાય અને સરસ સુગંધ આવે.

પગલું ૩: દૂધ સાથે રાંધવી હવે કડાઈમાં અડધો કપ દૂધ ઉમેરો અને બરાબર મિક્સ કરો. કડાઈને ઢાંકીને લગભગ ૧૦ મિનિટ સુધી દૂધીને ચઢવા દો. વચ્ચે-વચ્ચે હલાવતા રહો જેથી દૂધ નીચે બેસી ન જાય. જ્યારે દૂધી દૂધને સંપૂર્ણપણે સોષી લે ત્યારે આગળ વધો.

પગલું ૪: ખાંડ અને મીઠાશ હવે હલવામાં ખાંડ ઉમેરો. ખાંડ ઓગળશે એટલે હલવો થોડો ઢીલો થશે. તેને સતત હલાવતા રહો જ્યાં સુધી ખાંડનું પાણી બળી ન જાય અને મિશ્રણ ઘટ્ટ ન થાય.

પગલું ૫: માવો અને ફિનિશિંગ છેલ્લે, તેમાં અડધો કપ છીણેલો માવો ઉમેરો. માવો ઉમેરવાથી હલવાનો સ્વાદ બિલકુલ બજાર જેવો રિચ આવશે. ત્યારબાદ તેમાં એલચી પાવડર અને સમારેલા ડ્રાય ફ્રૂટ્સ ઉમેરો. જ્યાં સુધી હલવો કડાઈની સપાટી છોડવા ન લાગે ત્યાં સુધી રાંધો.

પીરસવાની રીત

તમારો ગરમાગરમ દૂધીનો હલવો તૈયાર છે! તમે તેને ગરમ અથવા ફ્રીજમાં ઠંડો કરીને પણ સર્વ કરી શકો છો. આ હલવો સ્વાદમાં જેટલો લાજવાબ છે, તેટલો જ સ્વાસ્થ્ય માટે ફાયદાકારક છે કારણ કે તેમાં કૃત્રિમ રંગો કે હાનિકારક પ્રિઝર્વેટિવ્સ નથી.

દૂધીનો હલવો એ માત્ર એક મીઠાઈ નથી, પણ પોષણનો ખજાનો છે. ખાસ કરીને મહેમાનો આવવાના હોય કે કોઈ તહેવાર હોય, ત્યારે આ રેસીપી ચોક્કસ અજમાવવા જેવી છે. ૨૬ માર્ચે રામ નવમીના પવિત્ર તહેવાર પર તમે ભગવાનને ભોગ ધરવા માટે પણ આ શુદ્ધ હલવો બનાવી શકો છો.