24 એપ્રિલના વરુણ ધવનનો 33મો જન્મદિવસ છે. વરુણે હાલ ચાલી રહેલ લોકડાઉનમાં ઘરે તેનો બર્થડે સેલિબ્રેટ કર્યો છે. મુંબઈમાં પરિવાર સાથે વરુણે હોમમેડ કેક કટ કરી છે. તેના ફોટોઝ તેણે સોશિયલ મીડિયા પર શેર પણ કર્યા છે. અન્ય સેલેબ્સે પણ વરુણ ધવનને જન્મદિવસની શુભકામનાઓ આપી છે.
સુઈ ધાગા ફિલ્મની કો-સ્ટાર અનુષ્કા શર્માએ ઇન્સ્ટા સ્ટોરી શેર કરીને વરુણને બર્થડે વિશ કર્યો હતો. સ્ટ્રીટ ડાન્સર 3D ફિલ્મની કો-સ્ટાર નોરા ફતેહીએ ફિલ્મનો ફોટો શેર કરી વિશ કર્યું હતું. કરણ જોહરની સ્ટુડન્ટ ઓફ ધ યર ફિલ્મથી ડેબ્યુ કરનાર વરુણને કરણે, હેપ્પી બર્થડે ટુ માય ક્રેઝી હેપ્પી એન્ડ લવલી ચાઈલ્ડ કહીને વિશ કર્યું હતું.
અર્જુન કપૂરે જૂનો ફોટો પોસ્ટ કરી લખ્યું હતું કે, બેડ , બોય્ઝ ફોર લાઈફ. હેપ્પી બર્થડે વરુણ ધવન, ધ કન્ટેન્ટ ક્રિએટર, ધ ન્યૂ રેપર ઈન ધ ટાઉન અને ધ નટખટ બાળક ફોરએવર.
સોનમ કપૂર, કિઆરા અડવાણી, હર્ષવર્ધન કપૂર, તાપસી પન્નુ, ભૂમિ પેડનેકર, કૃતિ સેનન, સ્વરા ભાસ્કર સહિત અન્ય સેલેબ્સે વિશ કર્યું છે.
