પ્રધાનમંત્રી નરેન્દ્ર મોદીનું દેશને સંબોધન-જાણો પીએમ મોદીએ ક્યા મહત્વના મુદ્દાઓ પર કરી વાત

પ્રધાનમંત્રી નરેન્દ્ર મોદીએ દેશને સંબોધન કર્યું .દેશને કોરોના સંકટમાંથી બહાર લાવવા PM મોદીએ 20 લાખ કરોડ રૂપિયાનું આર્થિક પેકેજ જાહેર કર્યું. જેમાં પીએમ મોદીએ સંબોધનમાં જણાવ્યું કે 21મી સદી ભારતની હોય તે આપણી જવાબદારી છે. આત્મનિર્ભર ભારત એ એક જ માર્ગ છે. ભારતે આપદાને અવસરમાં બદલી છે. આપણે આત્મનિર્ભર ભારતની જરૂર છે. 130 કરોડ ભારતીયો એક સાથે સંકલ્પ લઈએ કે ભારતને આત્મનિર્ભર બનાવીશું

ભારતમાં પણ ઘણા પરિવારોએ તેમના પરિવારના સભ્યો ગુમાવ્યા છે. હું બધા પ્રત્યે દુઃખ વ્યક્ત કરું છું. એક વાયરસ એ દુનિયાને તબાહી કરી. વિશ્વભરના કરોડો જીવન સંકટનો સામનો કરી રહ્યા છે. આખું વિશ્વ જીવન બચાવવામાં વ્યસ્ત છે. રાજ્યોના મુખ્યમંત્રીઓ સાથે વાત કર્યા પછીના બીજા જ દિવસે તેમનું સંબોધન થઈ રહ્યું છે.

પીએમ મોદીએ કહ્યું કે જ્યારે કોરોના કટોકટી શરૂ થઈ ત્યારે ભારતમાં એક પણ PPE કીટ બનાવવામાં આવી ન હતી. એન -95 માસ્ક ભારતમાં નામ માત્ર બનતા હતાં. આજે સ્થિતિ એવી છે કે ભારતમાં દરરોજ 2 લાખ PPE અને 2 લાખ એન -95 માસ્ક બનાવવામાં આવી રહ્યા છે.

લોકડાઉનના ત્રીજા ચરણની 17મીએ પુરી થઇ રહી છે. કોરોના અને લોકડાઉનને લઇને પીએમ મોદીએ સોમવારે દેશના બધા મુખ્યમંત્રીઓ સાથે વીડિયો કોન્ફરન્સથી ચર્ચા કરી હતી. આ દરમિયાન ઘણા રાજ્યોના મુખ્યમંત્રીઓએ લોકડાઉન વધારવાને લઇને રજૂઆત કરી હતી. તેલંગાણા, બિહાર, આસામ, રાજસ્થાન, મધ્યપ્રદેશ, પંજાબ, પશ્ચિમ બંગાળના મુખ્યમંત્રીઓ પીએમ મોદીને લોકડાઉન વધારવાની માગ કરી છે.

PM મોદીના સંબોધનની મહત્વની વાતો

દેશને કોરોના સંકટમાંથી બહાર લાવવા PM મોદીએ 20 લાખ કરોડ રૂપિયાનું આર્થિક પેકેજ જાહેર કર્યું
20 લાખ કરોડના આર્થિક પેકેજમાં કુટીર, ગૃહ, લઘુ અને મધ્યમ ઉદ્યોગોની ખાસ વ્યવસ્થા કરાઈઃ PM મોદી
કાલથી નાણામંત્રી આત્મનિર્ભર ભારત અભિયાન અંતર્ગત વિવિધ ઉદ્યોગો માટે આર્થિક પેકેજની ફાળવણી કરશેઃ PM મોદી
20 લાખ કરોડના આર્થિક પેકેજમાં જમીન, મજુરો, લિક્વિડીટી અને નુકશાન પર ખાસ ધ્યાન અપાયું છેઃ PM મોદી
કોરોનાનું સંકટ એટલું મોટું છે કે મોટી મોટી વ્યવસ્થાઓ હચમચી ગઈ છેઃ PM મોદી
18 મે પહેલાં લૉકડાઉન 4ની જાહેરાત કરી દેવાશે. આ નવું લૉકડાઉન નવા રૂપરંગ અને નવી છૂટછાટ સાથેનું હશે