રિલાયન્સ જિઓ પ્લેટફોર્મ્સે 5 અમેરિકી કંપનીઓ પાસેથી લગભગ 78,562 કરોડ રૂપિયાના રોકાણની ડીલ કરી છે. હવે દિગ્ગજ અમેરિકી ટેક કંપની માઈક્રોસોફ્ટ પણ તેમાં રોકાણ કરવા જઈ રહી છે. સત્ય નડેલાના નેતૃત્વવાળી માઈક્રોસોફ્ટ રિલાયન્સ જિઓ પ્લેટફોર્મ્સમાં 2.5 ટકાની ભાગીદારી ખરીદી શકે છે.
લૉકડાઉન વિશ્વની અર્થવ્યવસ્થાને તોડી રહ્યું છે ત્યારે તે રિલાયન્સ ઇન્ડસ્ટ્રીઝ માટે ખૂબ નસીબદાર સાબિત થઈ રહ્યું છે. રિલાયન્સ જિઓ પ્લેટફોર્મે 5 યુએસ કંપનીઓ પાસેથી આશરે 78,562 કરોડ રૂપિયાના રોકાણ સોદા કર્યા છે. હવે સુપ્રસિદ્ધ અમેરિકન ટેક કંપની માઇક્રોસોફ્ટ પણ તેમાં ભારે રોકાણ કરવા જઈ રહી છે.
બંને કંપનીઓના મેનેજમેન્ટ આ વિશે વાત કરી રહ્યા છે. મળતી માહિતી અનુસાર સત્ય નાડેલાની આગેવાનીવાળી માઇક્રોસોફ્ટ રિલાયન્સ જિઓ પ્લેટફોર્મ્સમાં 2.5 ટકા હિસ્સો ખરીદી શકે છે.
છેલ્લા 1 મહિનામાં રિલાયન્સ જિઓ પ્લેટફોર્મમાં 5 અમેરિકી કંપનીઓ કુલ 78562 કરોડ રૂપિયાનું રોકાણ કરી ચૂકી છે. તેમાં ફેસબુક, કેકેઆર એન્ડ કંપની, સિલ્વર લેક, વિસ્ટા ઈક્વિટી પાર્ટનર્સ અને જનરલ એટલાન્ટિંક સામેલ છે.
રિપોર્ટ અનુસાર માઈક્રોસોફ્ટની સાથે રિલાયન્સની વાતચીત શરૂઆતના સ્ટેજમાં છે. આવનારા દિવસોમાં અંતિમ ડીલનો ખુલાસો થઈ શકે છે. ઉલ્લેખનીય છે કે સત્ય નડેલાએ આ વર્ષે ફેબ્રુઆરીમાં ખુલાસો કર્યો હતો કે માઈક્રોસોફ્ટ ભારતમાં મોટા પાયે કારોબાર કરવા ઈચ્છે છે. તેઓએ કહ્યું કે કંપની આખા દેશમાં સેન્ટર ખોલવા ઈચ્છે છે જેથી તેના એઝ્યોર ક્લાઉડ સર્વિસનો ફાયદો લઈ શકાય.
લૉકડાઉની વચ્ચે રિલાયન્સ ઈન્ડસ્ટ્રીનું નસીબ ખૂલ્યું છે. રિલાયન્સ સમૂહની કંપની જિઓ પ્લેટફોર્મ્સમાં સતત અમેરિકી કંપનીઓ મોટું રોકાણ કરી રહી છે. હાલમાં અમેરિકાના ઈક્વિટી ફર્મ કેકેઆર દ્વારા પણ 1.5 અરબ ડોલર એટલે કે લગભગ 11367 કરોડ રૂપિયાનું રોકાણ કરવામાં આવ્યું છે. કેકેઆર આ રોકાણથી જિઓ પ્લેટફોર્મ્સમાં 2.32 ટકાની ભાગીદારી ખરીદશે.
આ પહેલાં પણ એક મહિના પહેલાં રિલાયન્સ જિઓ પ્લેટફોર્મમાં ફેસબુક ઈન્ક, જનરલ એટલાંટિક, સિલ્વર લેક અને વિસ્ટા ઈક્વિટી પાર્ટનર્સ દ્વારા રોકાણની જાહેરાત કરાઈ છે. દુનિયામાં જ્યારે અન્ય કંપનીઓ પોતાનું અસ્તિત્વ બચાવવા માટે પ્રયાસ કરી રહી છે ત્યારે અંબાણીએ લૉકડાઉનની વચ્ચે થોડા અઠવાડિયાની અંદર ફેસબુક, જનરલ એટલાંટિક, સિલ્વર લેક અને વિસ્ટા ઈક્વિટી જેવી પાંચ કંપનીઓએ રિલાયન્સ જિઓ પ્લેટફોર્મ્સમાં કુલ 78562 કરોડ રૂપિયાના રોકાણનો સોદો કર્યો છે.
