બાળ આરોપીઓથી ફૂટબૉલ પ્લેયર બનવાની સફર અને તેમાં આવતી અડચણો, એક કોચનો નિર્ધાર અને તેમની સામેના પડકાર…આ છે કથાવસ્તુ ડેઈઝી શાહની ડેબ્યૂ ફિલ્મ ગુજરાત 11ની. ફિલ્મનું ટ્રેલર રિલીઝ થઈ ગયું છે જે ઘણું જ ધમાકેદાર છે.ટ્રેલરમાં જોવા મળે છે કે જુવેનાઈલ જસ્ટિસ હોમમાં રહેતા બાળકોને ફૂટબૉલ શિખવવાનો નિર્ધાર કરીને આવે છે ડેઈઝી શાહ. જો કે આ બાળકો પણ તેને ગાંઠે એમ નથી. બાળકો તેને પરેશાન કરે છે પણ ડેઈઝી એમ હાર માનવા નથી માંગતી.
તે બનાવવા માંગે છે ગુજરાત 11.ફિલ્મમાં ડેઈઝી શાહની સાથે પ્રતિક ગાંધી, ચેતન દઈયા, કવિન દવે જેવા કલાકારો છે. ફિલ્મમાં ઈમોશન, ડ્રામા તમામ વસ્તુઓ ભરપૂર રીતે જોવા મળે છે. આ ફિલ્મમાં પહેલીવાર જાણીતા ગાયક રૂપકુમાર રાઠોડ મ્યુઝિક આપી રહ્યા છે. ફિલ્મનું એન્થમ પણ ખૂબ જ સરસ છે.ફિલ્મની સ્ટોરી જયંત ગિલાટરે લખી છે, તથા ડાયરેક્ટ પણ તેમણે જ કરી છે. ફિલ્મને હરેષ પટેલ, એમ. એસ. જોલી અને જયંત ગિલાટરે પ્રોડ્યુસ કરી છે.
