લિથુઆનિયાના એક 50 વર્ષીય વ્યક્તિની ગયા મહિને સ્પેનિશ પોલીસે હોટલ છેતરપિંડીના આરોપમાં ધરપકડ કરી હતી. પોલીસે જણાવ્યું કે આ વ્યક્તિ મોંઘી હોટલમાં ભોજન ખાધા બાદ હાર્ટ એટેક આવવાનું નાટક કરતો હતો. આ બહાને તે ત્યાં પૈસા ચૂકવવાનું ટાળતો હતો. પરંતુ આ વખતે તેની યુક્તિ કામમાં ન આવી અને પોલીસે તેની ધરપકડ કરી.
મામલો કેવી રીતે બહાર આવ્યો?
ઓડિટી સેન્ટ્રલના અહેવાલ મુજબ, ગયા મહિને આ વ્યક્તિ એલીકેન્ટમાં એક રેસ્ટોરન્ટમાં જમવા ગયો હતો જ્યાં તેણે ખૂબ જ મોંઘા અને સ્વાદિષ્ટ ભોજનનો આનંદ માણ્યો હતો. જ્યારે વેઈટરે તેને 34.85 યુરો (ભારતીય ચલણમાં 3 હજાર 60 રૂપિયા)નું બિલ આપ્યું. આ બિલથી બચવા માટે વ્યક્તિએ વેઈટર જતાની સાથે જ ત્યાંથી ગાયબ થવાનો પ્રયાસ કર્યો પરંતુ તે સફળ થઈ શક્યો નહીં. બીલ ચૂકવવાનું ટાળવા માટે, તેણે વધુ નાટકો કર્યા પરંતુ જ્યારે કંઈ કામ ન થયું, ત્યારે તેણે તેના સર્વકાલીન મનપસંદ, હાર્ટ એટેક ડ્રામા તરફ સ્વિચ કર્યું.
હોટેલ મેનેજરે શું કહ્યું?
અલ બ્યુન કોમરના મેનેજર (એ હોટેલ જ્યાં માણસ નાટક કરતો પકડાયો હતો) એ કહ્યું કે તેણે ઘણું નાટક કર્યું છે. તેણે બેહોશ થવાનો ડોળ પણ કર્યો અને જમીન પર પડી ગયો. તેણે વધુમાં કહ્યું કે, અમે તેની તસવીર અન્ય રેસ્ટોરન્ટમાં મોકલીને બધાને એલર્ટ કરી દીધા છે જેથી તે ફરીથી આવું ન કરી શકે.
તેને કડક સજા આપવા માટે તમામ રેસ્ટોરન્ટ માલિકોએ ભેગા થઈને તેની સામે સંયુક્ત ફરિયાદ દાખલ કરવાનો નિર્ણય લીધો છે જેથી તેને ઓછામાં ઓછા 2 વર્ષ સુધી જેલમાં રહેવું પડે.
