નાનકડો તૈમૂર ખેતરમાં પહોંચી ગયો છે. ત્યાંથી તાજા શાકભાજી ચૂંટીને લાવ્યો છે. વિજય ચૌહાણ નામના શેફે ઈન્સ્ટાગ્રામ અકાઉન્ટ પર તૈમૂરના વિડીયો અને તસવીરો શેર કરી છે જેમાં તે તેમની સાથે ઓર્ગેનિક ફાર્મિંગ કરતો જોવા મળે છે. શેફ સાથે મળીને તૈમૂર ખેતરમાંથી મેથી, બ્રોકોલી, રીંગણ વગેરે જેવા શાકભાજી ચૂંટતો જોવા મળે છે. આજકાલ ઘણા સેલેબ્સ ઓર્ગેનિક ખેતી કરતા જોવા મળે છે ત્યારે તૈમૂરનું આ નવું રૂપ તેના ફેન્સનું દિલ ચોક્કસ જીતી લેશે.
https://www.instagram.com/p/B9Ko0wwHX05/?utm_source=ig_web_copy_link
શેફ વિજય ચૌહાણે તૈમૂર સાથેના વિડીયો અને તસવીરો શેર કરતાં લખ્યું, “મારો ફ્રેન્ડ તૈમૂર અલી ખાન પટૌડી ફરી આવ્યો છે. તેણે શેફ વિજય ચૌહાણ સાથે મળીને ઓર્ગેનિક શાકભાજી ખેતરમાંથી કાપ્યા છે. તેણે પોતાના માટે ખાવાનું બનાવ્યું. તેને કૂકિંગ ખૂબ પસંદ છે. તૈમૂરને લીલા શાકભાજી, સૂપ, સલાડ અને મેથીની ભાજીના થેપલા ખૂબ ભાવે છે. તેને ઓર્ગેનિક ગાર્ડન ખૂબ પસંદ છે.”
જણાવી દઈએ કે, થોડા સમય પહેલા કરીના અને તૈમૂરની તસવીરો વાયરલ થઈ હતી. જેમાં બંને એક હોટલના કીચનમાં હતા. તૈમૂરે મમ્મી માટે આઈસક્રીમ અને કપ કેક બનાવી હતી.
કરીના કપૂર ખાન અને સૈફ અલી ખાનનો લાડલો તૈમૂર અલી ખાન હંમેશા ચર્ચામાં રહે છે. સોશિયલ મીડિયા પર રોજેરોજ તૈમૂરની ક્યૂટ તસવીરો અને વિડીયો વાયરલ થતાં રહે છે. તાજેતરમાં જ તૈમૂરની સૈફ-કરીના સાથેની તસવીરો અને વિડીયો વાયરલ થયો હતો. વિડીયોમાં તૈમૂર સૈફ અને કરીના સાથે એક એડના શૂટિંગ માટે પહોંચ્યો હતો. જ્યાં બ્લોઅરથી તૈમૂર કરીના અને સૈફને હવા નાખતો હતો. તૈમૂરના આ વિડીયો પર દીપિકા અને આલિયાએ પણ કોમેન્ટ કરી હતી. ત્યારે હવે સોશિયલ મીડિયા પર તૈમૂરના બીજા વિડીયો વાયરલ થઈ રહ્યા છે જેમાં તે ખેતી કરતો જોવા મળે છે.
