બોલીવુડ સુપરસ્ટાર સલમાન ખાન પોતાના ફેન્સના દિલો પર રાજ કરે છે. સલમાન ખાને બિગ બોસ 13નું શૂટિંગ પૂરુ કર્યાં બાદ હવે પોતાની અપકમિંગ ફિલ્મ ‘રાધેઃ યોર મોસ્ટ વોન્ટેડ ભાઈ’ની તૈયારીમાં લાગી ગયો છે. ફિલ્મ આ વર્ષે ઇદ પર રિલીઝ થશે. આ ફિલ્મમાં તેની સાથે દિશા પટની જોવા મળશે.
બોલિવૂડનો સુપરસ્ટાર સલમાન ખાન અત્યાર સુધીમાં અનેક લોકોને ઈન્ડસ્ટ્રીઝમાં લોન્ચ કરી ચૂક્યો છે. હવે આ વર્ષે તે બ્રાઝિલિયન એક્ટ્રેસ અને મોડલ લેરિસા બોન્સી ને એક્ટ્રેસ તરીકે લોન્ચ કરશે. કોણ છે લેરિસા, જેના વિશે આજે અમે તમને જણાવીશું..
લેરિસા બોન્સીએ પોતાના ઈન્સ્ટાગ્રામ એકાઉન્ટ પર લખ્યું ‘મે બોલિવૂડના જાણીતા એક્ટ્રેસ સલમાન ખાન સાથે કામ કરીને ગર્વ અને ખુશી અનુભવી રહી છું. મને તેમના કામ અને ચરિત્રથી ઘણું શીખવા મળ્યું અને હું તેમના કામથી પ્રભાવિત છું. હું મારી જાતને નસીબદાર માની રહી છું. આભાર.’ આ સાથે તેણે સલમાન ખાન સાથેનો એક ફોટો પણ પોસ્ટ કર્યો હતો.
https://www.instagram.com/p/B9ReRIJgc4l/?utm_source=ig_web_copy_link
હાલમાં તે સ્પષ્ટ નથી કે લેરિસાને કઈ ફિલ્મથી સલમાન ખાન લોન્ચ કરશે. લેરિસા બ્રાઝિલિયન મોડલ અને ડાન્સર છે.
આ પહેલા તે અક્ષય કુમાર અને જોન અબ્રાહમ સાથે ફિલ્મ ‘દેશી બોય્ઝ’ના બ્લોકબસ્ટર સોંગ ‘સુબહ હોને ન દે’માં જોવા મળી હતી. જ્યાંથી તેણે બોલિવૂડ કરિયરની શરૂઆત કરી હતી.
આ સાથે લેરિસાએ એક્ટર ટાઈગર શ્રોફ અને સૂરજ પંચોલી સાથે કેટલાક મ્યૂઝિક વિડીયો આલ્મબમાં પણ જોવા મળી હતી.
