અત્યારે કોરોના વાયરસના કારણે બોલિવુડમાં પણ શૂટિંગ બંધ છે, અને દરેક બોલિવુડ સ્ટાર અત્યારે ઘરે જ છે અને શૂટિંગ શરૂ થવાની રહા જોઇ રહ્યા છે.ત્યારે ભારતના બે ભારતના બે સુપરસ્ટાર દીપિકા પાદુકોણ અને પ્રભાસ પહેલીવાર ફિલ્મમાં સાથે કામ કરશે. નાગ અશ્વિનની આગામી ફિલ્મમાં દીપિકા પાદુકોણ અને પ્રભાસ એકસાથે જોવા મળશે.
પહેલા આ અંગે ખાલી વાત ચાલતી હતી પરંતુ હવે તેની સત્તાવાર જાહેરાત કરી દેવામાં આવી છે,આ અંગેની સત્તાવાર જાહેરાત કરી દેવામાં આવી છે. ત્યારે પ્રભાસ અને દીપિકા પાદુકોણના ફેન્સ ખૂબ ઉત્સાહમાં છે.
તેની સાથે જ ઈન્સ્ટાગ્રામ અકાઉન્ટ પર વિડીયો પોસ્ટ કરીને પ્રભાસે તેની 21મી ફિલ્મમાં દીપિકાનું સ્વાગત કર્યું છે. પ્રભાસે લખ્યું, “ઉત્સુકતા સાથે દીપિકા પાદુકોણને આવકારીએ છીએ. વેલકમ.
તો દીપિકા પાદુકોણે પણ પોતાની ઈન્સ્ટાગ્રામ સ્ટોરીમાં આ ફિલ્મ સાથે જોડાવાના પોતાની ઉત્સુકતા વ્યક્ત કરી હતી. દીપિકાએ લખ્યું, “ખૂબ રોમાંચિત છું. આગળની અતુલ્ય જર્ની માટે ઉત્સાહિત છું.”
આ પ્રોજેક્ટ વિશે વાત કરતાં ફિલ્મના ડાયરેક્ટર નાગ અશ્વિને કહ્યું, “દીપિકા ફિલ્મમાં રોલ કરશે તે વાતે હું ખૂબ ઉત્સાહિત છું. આ એવો રોલ છે જે અગાઉ કોઈ મેઈનસ્ટ્રીમ હીરોઈને નહીં કર્યો હોય અને દરેક માટે અચરજ પમાડનારું હશે. દીપિકા અને પ્રભાસની જોડી તેમજ તેમની વચ્ચેની સ્ટોરી ફિલ્મની હાઈલાઈટ રહેશે. આગામી વર્ષો સુધી ઓડિયન્સના દિલમાં આ ફિલ્મ રહેશે તેવું હું માનું છું.”
ત્યારે બન્ને સ્ટાર્સના વર્કફંટની વાત કરવામાં આવે તો પ્રભાસ છેલ્લે ફિલ્મ ‘સાહો’માં શ્રદ્ધા કપૂર સાથે જોવા મળ્યો હતો. હાલમાં જ પ્રભાસે પૂજા હેગડે સાથે આગામી ફિલ્મ ‘રાધે શ્યામ’ની જાહેરાત કરી હતી. તો બીજી તરફ દીપિકા પાદુકોણ પતિ રણવીર સિંહ સાથે ફિલ્મ ’83’માં જોવા મળશે. આ સિવાય તે શુકન બત્રાની આગામી ફિલ્મમાં સિદ્ધાંત ચતુર્વેદી અને અનન્યા પાંડે સાથે જોવા મળશે.
