લોકડાઉન ના કારણે લોકો પોતાના ઘરમાં રહેવા મજબૂર છે. અને સાચું કહું તો ઘરમાં રહેવું જ તેમના માટે શ્રેષ્ઠ છે. કોરોના વાયરસને હરાવવા માટે સરકારે ફરી એક વાર લોકડાઉનને વધારવાનો નિર્ણય કર્યો છે. લોકડાઉન દરમિયાન આમિર ખાનની ફિલ્મ 3 ઇડિયટ્સ ફરીથી ચર્ચામાં આવી ગઇ છે. આ ફિલ્મે ખાલી ભારતમાં જ નહીં વિદેશોમાં પણ વાહ વાઇ મેળવી છે. આમિર ખાનની આ ફિલ્મ બોલીવૂડની શ્રેષ્ઠ ફિલ્મોમાંથી એક છે. ફિલ્મ 3 ઇડિયટ્સને અમેરિકામાં આ લોકડાઉનના સમયમાં ખૂબ જ પસંદ કરવામાં આવી રહી છે.
ચીન પછી ફિલ્મ 3 ઇડિયટ્સ અમેરિકામાં ચર્ચામાં છે. યુએસમાં લોકડાઉન દરમિયાન આમિર ખાનની આ ફિલ્મને સૌથી વધિ જોવામાં આવી છે. ફર્સ્ટ પ્રેસ જર્નલની રિપોર્ટ મુજબ આ ફિલ્મના નિર્દેશક રાજકુમાર હિરાની આ ખબરથી ખુબ ખુશ છે.
તેમણે કહ્યું કે મને ખુશી છે કે આ ફિલ્મ જેને અમે લાંબા સમય પહેલા બનાવી હતી. તે આજે પણ લોકોને આટલી પસંદ આવી રહી છે. અને લોકો તેને ખુલા મનથી અપનાવી રહ્યા છે.
આ ફિલ્મની રીલિઝ વખતે આ ફિલ્મનો એક ડાયલૉગ ખૂબ જ હિટ થયો હતો અને તે છે “All is well” અને હાલના આ સમયમાં પણ આપણને આ દિલાસાની સૌથી વધુ જરૂર છે. આ ફિલ્મમાં કરીના કપૂર, શરમન જોશી અને આર માધવન સમેત બોમન ઇરાનીએ યાદગાર અભિનય આપ્યો હતો.
આ ફિલ્મ 2009માં રીલિઝ થઇ હતી. અને કોમેડી સાથે એક સામાજીક મેસેજ પણ આ ફિલ્મે આપ્યો છે. આ ફિલ્મ તે સમયે કમાણી મામલે પણ બોક્સ ઓફિસના અનેક રેકોર્ડ તોડ્યા હતા. અને સુપરહિટ સાબિત થઇ હતી.
