કોરોના મહામારીના કારણે અત્યારે મોટા પરદા પર ફિલ્મ રિલીઝ થતી નથી પરંતુ સ્ટાર્સની લોકપ્રિયતા એવી જ છે.સુપરસ્ટાર મહેશ બાબૂએ થોડા દિવસ પહેલા પોતાના જન્મ દિવસની ઉજવણી કરી હતી. જન્મદિવસના દિવસે તે સોશિયમ મીડિયામાં ખુબ વાયરલ થયા હતા.
આ ખાસ પ્રસંગે દરેક સેલિબ્રિટીએ મહેશ બાબૂને શુભકામના પાઠવી હતી. અભિનેતાએ આ વર્ષે પોતાના જન્મ દિવસની ઉજવણી નહી કરવાનો નિર્ણય કર્યો હતો. તેણે પોતાના ચાહકોને પણ વિનંતી કરી હતી કે કોરોના મહામારી કારણે આવા કાર્યક્રમોથી બચવું.
ત્યારે અભિનેતાએ પોતાના ઘરમાં એક વૃક્ષ વાવી પોતાના પરિવાર સાથે સમય વિતાવી જન્મ દિવસ મનાવ્યો હતો. પરંતું ચાહકોએ આ દિવસને ખાસ બનાવવા માટે તમામ પ્રયાસો કર્યા હતા.
સુપરસ્ટારના ચાહકોએ પોતાના પ્રિય અભિનેતાના આ દિવસને યાદગાર બનાવી એક વિશ્વ રેકોર્ડ બનાવ્યો છે. માત્ર એટલું જ નહીં મહેશ બાબૂના આ બર્થ ડે ટ્રેન્ડે એક વિશ્વ રેકોર્ડ બનાવતા તમામ રેકોર્ડ તોડી દીધા છે.
સુપરસ્ટારના પ્રશંસકોએ સ્ટાઈલમાં દરેક રેકોર્ડ તોડી દીધા છે અને હેશટેગ #HBDMaheshBabu ની સાથે 60.2 મિલિયનથી વધારે ટ્વિટ કરીને એક નવો રેકોર્ડ પ્રસ્થાપિત કર્યો છે. આ ટ્વિટર પર દુનિયામાં અત્યાર સુધીનો સૌથી મોટો ટ્રેન્ડ છે. લગભગ 1.28 લાખથી વધારે લોકોએ આ ટ્રેન્ડમાં ભાગ લીધો હતો જે એક નવો રેકોર્ડ છે.
મહેશ બાબૂના જન્મદિવસના દિવસે રિલીઝ કરવામાં આવેલી ‘સરકારૂ વારી પાટા’ના મોશન પોસ્ટરને શાનદાર પ્રતિક્રિયા મળી રહી છે. મહેશ બાબૂ કોઈ ઉતાવળ નથી કરવા માંગતા અને કોરોના વાયરસ મહામારી શાંત થયા પછી તે ફિલ્મના સેટ ઉપર પરત ફરશે. ‘સરકારુ વારી પાટા’નું નિર્દેશન પરશુરામે કર્યું છે. અને થમન દ્વારા ધુનોની રચના કરવામાં આવી છે.
