બૉલીવુડ ઇન્ડસ્ટ્રીના સુપરસ્ટાર સલમાન ખાન પોતાની ફિલ્મો અને પર્સનલ લાઈફને લઈને ખૂબ ચર્ચામાં રહેતા હોય છે. આ વર્ષે 4 મહિના પહેલા જૂન મહિનામાં સલમાન ખાનના પિતા સલીમ ખાનને એક પત્ર મળ્યો હતો જેમાં તેમને જીવથી મારી નાખવાની ધમકી આપવામાં આવી હતી. આ પછી તેમની સુરક્ષામાં વધારો કરી દેવામાં આવ્યો હતો.
આ પછી સુરક્ષા એજન્સીઓએ ઘણા લોકોને ગિરફતાર કર્યા અને સામે આવ્યું હતું કે તે લોકોના નિશાના પર સલીમ નહીં પણ સલમાન ખાન હતા. હવે દિલ્હી પોલીસને સલમાન ખાનને જીવથી મારી નાખવાની જાણકારી મળી છે.
દિલ્હી પોલીસએ 9 મેએ મોહાલીમાં પંજાબ પોલીસ હેડક્વોટર પર થયેલ આરપીજી હુમલામાં બે શંકાસ્પદને ગિરફતાર કર્યા હતા. આ બંનેમાં એક નબાલિક પણ છે અને કહેવામાં આવી રહ્યું છે કે તેણે સલમાન ખાનને પણ જીવથી મારી નાખવાનું કામ આપવામાં આવ્યું હતું. આની માટે આ યુવકને ટ્રેનિંગ આપવામાં આવી હતી.
પોલીસના કહેવા પ્રમાણે લોરેન્સ વિશ્રોઇ અને જગ્ગુ ભગવાનપુરીયા ગેંગએ આ સિગર સાથે દિપક સુરકપૂર અને મોનું ડાગરની સાથે સલમાન ખાનને મારવા માટેનું કામ આપ્યું હતું. આ સગીર ઉત્તર પ્રદેશના ફૈઝબાદનો રહેવાસી છે.
સગીર સાથે પોલીસએ પૂછપરછ કરી તેમાં ખુલાસો કર્યો હતો કે તેને સલમાન ખાનને મારવા માટેનું કામ આપવામાં આવ્યું હતું. તમને જણાવી દઈએ કે દિપક સુરકપૂર ભાગી ગયેલ છે અને મોનું જેલમાં છે. હમણાં પોલીસ આ કેસની તપાસ કરી રહી છે.
તમને જણાવી દઈએ કે સલીમ ખાનને જએ ધમકી ભરેલો પત્ર મળ્યો હતો તેમાં લખેલ હતું કે તેમની હાલત સિધ્ધુ મુસેવાલા જએવી જ કરી દેવામાં આવશે. તમને જણાવી દઈએ કે પંજાબી સિંગર સિધ્ધુ મુસેવાલાની 26 મેના દિવસે ગોળી મારીને હત્યા કરી દેવામાં આવી હતી. આ હત્યાકાંડ પાછળ ગેંગસ્ટર લોરેન્સ વિશ્રોઇનું નામ આવ્યું હતું. આ જ લોરેન્સએ 2018માં સલમાન ખાનને મારી નાખવા માટે ધમકી આપી હતી.
