અભિનેત્રી પ્રિયંકા ચોપડાએ હમણાં પોતાનો જન્મદિવસ મનાવ્યો, તેની સાથે અભિનેત્રી પ્રિયંકા ચોપડા એન્ટરટેઈનમેન્ટ ઈન્ડસ્ટ્રીમાં 20 વર્ષ પૂરા કરવા જઈ રહી છે. અભિનેત્રીએ બોલીવુડથી લઈને હોલીવુડ સુધીની શાનદાર સફર ખેડી છે. દેશી ગર્લથી લઈને એક ગ્લોબલ આઇકન સુધી તેની સફર બેમિસાલ રહી ચછે. તેવામાં હવે પ્રિયંકા પણ પોતાની સફરને કંઇક ખાસ અંદાજમાં સેલિબ્રેટ કરવા જઈ રહી છે.
અને આ ખુશીને સેલિબ્રેટ કરવા માટે પ્રિયંકાએ સોશિયલ મીડિયા પર એક વીડિયો શેર કર્યો છે. વીડિયોમાં પ્રિયંકા કહી રહી છે કે આ ઈન્ડસ્ટ્રીમાં 20 વર્ષ પૂરા થવા પર તે હવે પોતાના કરિયરની 20 મોટી ક્ષણ અથવા તે પળને યાદ કરવા જઈ રહી છે જેની તેની જિંદગી પર ખુબ ઊંડી અસર પડી છે.
પ્રિયંકા ચોપડા પોસ્ટની સાથે લખે છે- આ જશ્નનો સમય છે. 2020મા મારા આ ઈન્ડસ્ટ્રીમાં 20 વર્ષ થવા જઈ રહ્યાં છે. આમ કેમ થયું તે ખ્યાલ નથી. તમારા બધાનો સાથ હંમેશા રહ્યો છે. આવો મારી સાથે જોડાવ, હું તમને મારી સફર દેખાડવા ઈચ્છુ છું.
પ્રિયંકા ચોપડાની આ જાહેરાતથી ફેન્સ ખુબ ખુશ નજર આવી રહ્યાં છે. સોશિયલ મીડિયા પર પીસીને શુભેચ્છા આપવામાં આવી રહી છે. આ સિવાય તે જાણવા માટે બધા આતુર છે કે પ્રિયંકા પોતાની કઈ ક્ષણને બધાની સાથે શેર કરવા જઈ રહી છે.
