વિરાટ કોહલી અને અનુષ્કા શર્મા હાલ ભૂતાનમાં વેકેશન માણી રહ્યા છે. ભૂતાનથી આ પાવર કપલ વેકેશનની તસવીરો શેર કરતા રહે છે. વિરાટે પોતાનો જન્મદિવસ પણ અહીં જ અનુષ્કા સાથે મનાવ્યો હતો.
ઉપરાંત વિરાટ-અનુષ્કાએ હિમાલયના ખોળે બ્રેકફાસ્ટ કર્યો હતો તેની તસવીરો પણ શેર કરી હતી. ત્યારે હવે વિરાટ-અનુષ્કાએ ભૂતાનમાં નવો ફ્રેન્ડ બનાવ્યો છે. તેની સાથેની તસવીરો શેર કરી છે. ભૂતાનની ટ્રીપ દરમિયાન વિરાટ અને અનુષ્કાને એક ગલુડિયું મળી ગયું. ગલુડિયા સાથે વિરાટ-અનુષ્કાએ ખૂબ મસ્તી કરી અને તસવીરો પણ ક્લિક કરાવી. વિરાટ અને અનુષ્કા બંને ડોગ લવર છે. બંનેને ડોગ્સ પ્રત્યે ખૂબ પ્રેમ છે.
અનુષ્કા શર્મા માત્ર ડોગ લવર નહીં એનિમલ લવર પણ છે. અવારનવાર તે સોશિયલ મીડિયા પર પ્રાણીઓની તરફેણ કરતી પોસ્ટ કરતી રહે છે.વર્કફ્રંટની વાત કરીએ તો, અનુષ્કા શર્માએ ઝીરો પછી કોઈ ફિલ્મ સાઈન કરી નથી. તો વિરાટ હાલ બિઝી ક્રિકેટિંગ શિડ્યુલમાંથી સમય કાઢીને અનુષ્કા સાથે સમય વિતાવી રહ્યો છે. વિરાટ અને અનુષ્કાએ 2017માં લગ્ન કર્યા હતા. ત્યારથી તેઓ કપલ ગોલ્સ આપી રહ્યા છે.
