કોરોના કાળમાં ઘણુ બધુ બદલાયું છે,કેટલાક ઉધોગ, ધંધા પણ પડી ભાગ્યા છે,ત્યારે અત્યારે તો દેશમાં અનલોક જાહેર કરવામાં આવ્યું છે પરંતુ હજી પણ કોરોના કેસમાં દિવસે દિવસે વધારો જોવા મળી રહ્યો છે.
કોરોના રોગચાળામાં સતત કામ કરતા બેંક કર્મચારીઓએ પણ હવે અઠવાડિયામાં 5 દિવસ કામકાજની માંગ કરી છે. બેંક કર્મચારી સંઘોએ માંગ કરી છે કે તેમને 5 દિવસ જ કામ કરવા સરળ છે.
માંગને ભારતીય બેંક્સ એસોસિએશન દ્વારા નામંજૂર કરવામાં આવી હતી. પછી 19% વધારો કરવાની માંગ સ્વીકારી. હાલમાં, બેંક કર્મચારીઓને દર રવિવારે અને મહિનાના બીજા અને ચોથા શનિવારે રજા આપવામાં આવે છે
આ બધાની વચ્ચે ઓલ ઈન્ડિયા બેંક કર્મચારી એસોસિએશને એક નિવેદન બહાર પાડીને કહ્યું છે કે બેંક કર્મચારીઓ ઉપર કોરોના વાયરસનો ખતરો પણ ફેલાયેલો છે. કર્મચારીઓને દરરોજ મોટી સંખ્યામાં લોકોની વચ્ચે કામ કરવું પડે છે.
આવી સ્થિતિમાં અઠવાડિયામાં 5 દિવસ કરવું ખૂબ જ મહત્વપૂર્ણ છે .હાલ આખો દેશ કોરોના વાયરસ સામે લડી રહ્યું છે. ત્યારે પોલીસ, ડોક્ટર્સ-નર્સ, સફાઈ કર્મચારીઓ અને બેંક કર્મચારીઓ એક યોદ્ધાની જેમ આ સંકટની ઘડીમાં પોતાની ફરજ બજાવી રહ્યા છે. દેશના આ વોરિયર્સ પોતાનો જીવ જોખમમાં નાખી બીજા લોકોના જીવ બચાવી રહ્યા છે.
આપને જાણાવી દઇએ કે વડાપ્રધાન નરેન્દ્ર મોદી અને નાણામંત્રી નિર્મલા સીતારમણે બેંક કર્મચારીઓની સેવા ચાલુ રાખવા પ્રશંસા કરી હતી. રિપોર્ટ પ્રમાણે આ પહેલા નાણાપ્રધાને જાહેરાત કરી હતી કે કોરોના વાયરસ જેવી મહામારીથી જંગ લડી રહેલા ડોક્ટર્સ, પેરામેડિક્સ, નર્સ, ‘આશા’ વર્કર્સ અને સફાઈ કર્મચારીઓને 50 લાખ રૂપિયાનો વીમા કવર મળશે.
