ફિટ અને સ્લિમ રહેવા માટે બેસ્ટ છે આ હાઈ-પ્રોટીન હળદર ચિકન સૂપ રેસીપી

ફિટનેસ અને સ્વાદનો અદભુત સંગમ: વજન ઘટાડવા અને મજબૂત સ્નાયુઓ માટે ખાસ ‘હળદર ચિકન સૂપ’

આજના ભાગદોડ ભરેલા જીવનમાં ફિટ રહેવું, શરીરને ટોન રાખવું અને સાથે-સાથે સ્વાદિષ્ટ તેમજ પૌષ્ટિક ખોરાક લેવો એ એક મોટો પડકાર બની ગયો છે. મોટાભાગના લોકો વજન ઘટાડવા અથવા સ્નાયુઓ (મસલ્સ) મજબૂત કરવા માટે ડાયેટિંગ શરૂ તો કરે છે, પરંતુ દરરોજ એક સરખો અને ફિક્કો ખોરાક ખાઈને કંટાળી જાય છે. જો તમે પણ કોઈ એવી રેસીપી શોધી રહ્યા છો જે હાઈ-પ્રોટીન હોય, શરીરમાં સોજો (ઇન્ફ્લેમેશન) ઓછો કરે અને સ્વાદમાં પણ અદભુત હોય, તો આ હળદર ચિકન સૂપ તમારા માટે રામબાણ ઈલાજ સાબિત થઈ શકે છે.

તાજેતરમાં જ સોશિયલ મીડિયા પ્લેટફોર્મ ઇન્સ્ટાગ્રામ પર ૨૦ વર્ષથી વધુનો બહોળો અનુભવ ધરાવતા જાણીતા પિલેટ્સ ટ્રેનર ‘પિલેટ્સ બાય કેટ’ દ્વારા આ અદભુત રેસીપી શેર કરવામાં આવી છે. આ સૂપ માત્ર વજન નિયંત્રિત કરવામાં જ મદદ નથી કરતો, પરંતુ શરીરને અંદરથી ઉર્જાવાન અને રોગમુક્ત રાખવામાં પણ મદદ કરે છે.

રવિવારની આ એક આદત, આખા અઠવાડિયાની હેલ્થ સુધારશે

આ રેસીપી શેર કરતાં ટ્રેનરે એક ખૂબ જ મહત્વની ટિપ આપી છે. તેમણે જણાવ્યું કે, “જો તમે ખરેખર પાતળા, ફિટ અને તમારા ખોરાક પ્રત્યે ગંભીર રહેવા માંગતા હો, તો આ રેસીપી બેસ્ટ છે. હું દર રવિવારે રાત્રે આ સૂપનો એક મોટો બેચ (મોટા વાસણમાં વધુ માત્રામાં) બનાવી લઉં છું. આ એક નાની આદત મારા આખા અઠવાડિયાના ડાયેટ પ્લાનને સરળ અને હેલ્ધી બનાવી દે છે.”

જ્યારે આપણી પાસે હેલ્ધી ફૂડ તૈયાર હોય છે, ત્યારે આપણે ભૂખ લાગે ત્યારે બહારનો જંક ફૂડ કે બિનઆરોગ્યપ્રદ નાસ્તો ખાવાથી બચી જઈએ છીએ. આ સૂપ ફ્રિજમાં સરળતાથી સ્ટોર કરી શકાય છે અને જ્યારે પણ ભૂખ લાગે ત્યારે તેને ગરમ કરીને પી શકાય છે. તે લાંબા સમય સુધી પેટ ભરેલું રાખે છે અને ક્રેવિંગ્સ (ગળ્યું કે તળેલું ખાવાની ઈચ્છા) રોકે છે.

ચિકન બ્રેસ્ટ અને હળદર: ફિટનેસ માટે સુપરફૂડ્સનું કોમ્બિનેશન

ચિકન બ્રેસ્ટ (લીન પ્રોટીનનો રાજા): ચિકન બ્રેસ્ટને પ્રોટીનનો સૌથી શુદ્ધ અને પાતળો (લીન) સ્ત્રોત માનવામાં આવે છે, કારણ કે તેમાં ફેટ (ચરબી)નું પ્રમાણ નહિવત હોય છે અને પ્રોટીન ભરપૂર હોય છે. સ્નાયુઓના વિકાસ (મસલ બિલ્ડિંગ) અને વજન ઘટાડવા માટે આનાથી ઉત્તમ બીજું કંઈ હોઈ શકે નહીં. જો કે, ઘણા લોકોને ચિકન બ્રેસ્ટ ડ્રાય લાગતી હોવાથી રાંધવામાં મુશ્કેલી પડે છે, પણ સૂપના સ્વરૂપમાં તે એકદમ સોફ્ટ અને જ્યુસી બને છે.

હળદર (કુદરતી બળતરા વિરોધી/એન્ટી-ઇન્ફ્લેમેટરી): હળદરમાં રહેલું ‘કર્ક્યુમિન’ તત્વ એક શક્તિશાળી એન્ટી-ઓક્સિડન્ટ છે. તે કસરત પછી સ્નાયુઓમાં થતા દુખાવાને ઓછો કરે છે, સાંધાના દુખાવામાં રાહત આપે છે અને શરીરની રોગપ્રતિકારક શક્તિ વધારે છે.

સૂપ બનાવવા માટે જરૂરી સામગ્રી (ઇન્ગ્રીડિયન્ટ્સ)

• ચિકન બ્રેસ્ટ: ૮૦૦ ગ્રામ (ચામડી અને હાડકા વગરનું)
• લીક (Leeks): ૩ નંગ (ઝીણા સમારેલા – ડુંગળી જેવો સ્વાદ આપતી વનસ્પતિ)
• સેલરી (Celery): ૧ આખી (ઝીણી સમારેલી)
• કોળું (Pumpkin): ૩ કપ અથવા અંદાજે ૪૫૦ થી ૫૦૦ ગ્રામ (નાના ટુકડા કરેલા)
• ઝુચીની (Zucchini): ૨ નંગ અથવા અંદાજે ૩૦૦ ગ્રામ (પાસાદાર સમારેલી)
• ગાજર: ૩ નંગ અથવા અંદાજે ૨૫૦ ગ્રામ (નાના ટુકડા કરેલા)
• હળદર પાવડર: ૨ નાની ચમચી
• પાણી: ૨ લિટર (આશરે ૮ મોટા કપ)
• ચિકન સ્ટોક ક્યુબ્સ: ૪ નંગ (સૂપને ઘટ્ટ અને સ્વાદિષ્ટ બનાવવા માટે)
• તાજી કોથમીર: એક મુઠ્ઠીભર (ઝીણી સમારેલી)
• લીંબુનો રસ: ૧ આખા લીંબુનો રસ
• ઓલિવ ઓઈલ: ૧ થી ૨ મોટી ચમચી (હેલ્ધી ફેટ્સ માટે)
• મીઠું અને મરી પાવડર: સ્વાદ અનુસાર

સૂપ બનાવવાની સ્ટેપ-બાય-સ્ટેપ સરળ રીત

ભાગ ૧: પ્રોટીન બેઝ તૈયાર કરવો (ચિકન બાફવું)

સ્ટેપ ૧: સૌથી પહેલા ૮૦૦ ગ્રામ ચિકન બ્રેસ્ટને બરાબર સાફ કરી લો.

સ્ટેપ ૨: એક મોટા અને ઊંડા વાસણમાં બે લિટર પાણી લો. તેમાં ચાર ચિકન સ્ટોક ક્યુબ્સ ઉમેરો અને પાણીને ઉકળવા દો. હવે તેમાં ચિકન

બ્રેસ્ટ ઉમેરો. ચિકનને મધ્યમ આંચ પર ત્યાં સુધી ધીમેથી ઉકાળો જ્યાં સુધી તે અંદરથી પૂરેપૂરું રાંધાઈ ન જાય (અંદાજે ૭૫°C અથવા ૧૬૫°F તાપમાન સુધી).

સ્ટેપ ૩: ચિકન બરાબર બફાઈ જાય એટલે તેને પાણીમાંથી બહાર કાઢી એક પ્લેટમાં બાજુ પર મૂકી દો. ધ્યાનમાં રાખો કે જે પાણીમાં

ચિકન બાફ્યું છે (જેને આપણે ચિકન સ્ટોક કહીએ છીએ), તેને ફેંકવાનું નથી. આ સ્ટોક જ સૂપનો અસલી સ્વાદ અને પોષણ છે, તેને વાસણમાં જ રહેવા દો.

ભાગ ૨: ન્યુટ્રિશન બેઝ તૈયાર કરવો (શાકભાજી રાંધવા)

સ્ટેપ ૪: હવે બીજા એક મોટા વાસણમાં ૧ થી ૨ ચમચી ઓલિવ ઓઈલ ગરમ કરવા મૂકો. ઓલિવ ઓઈલ હૃદય માટે ખૂબ જ સારું માનવામાં આવે છે.

સ્ટેપ ૫: તેલ સહેજ ગરમ થાય એટલે તેમાં સમારેલી લીક (Leeks) ઉમેરો. તેને ધીમા તાપે ત્યાં સુધી સાંતળો જ્યાં સુધી તે એકદમ નરમ અને હળવી સોનેરી રંગની ન થઈ જાય.

સ્ટેપ ૬: હવે આ વાસણમાં બાકીના બધા જ પોષકતત્વોથી ભરપૂર શાકભાજી ઉમેરવાનો સમય છે. તેમાં સમારેલું કોળું, ઝુચીની, સેલરી અને ગાજર ઉમેરો.

સ્ટેપ ૭: આ શાકભાજીની સાથે જ ૨ ચમચી હળદર પાવડર ઉમેરી દો. શાકભાજી અને હળદરને બરાબર મિક્સ કરીને ૩ થી ૫ મિનિટ સુધી મધ્યમ આંચ પર સાંતળો. આનાથી હળદરની કાચી સુગંધ દૂર થશે અને શાકભાજીમાં હળદરનો સરસ પીળો રંગ અને ગુણો બેસી જશે.

View this post on Instagram

A post shared by Pilates by Cat (@pilates.by.cat)

ભાગ ૩: સૂપને આખરી ઓપ આપવો

સ્ટેપ ૮: શાકભાજી થોડા સંતળાઈ જાય એટલે તેમાં આપણે ભાગ-૧ માં સાચવી રાખેલો ચિકન સ્ટોક (જે પાણીમાં ચિકન બાફ્યું હતું તે) ઉમેરી દો.

સ્ટેપ ૯: ગેસની આંચ ધીમી કરીને વાસણને ઢાંકી દો અને તેને ૨૦ થી ૨૫ મિનિટ સુધી પાકવા દો. જ્યાં સુધી ગાજર અને કોળું એકદમ નરમ (સોફ્ટ) ન થઈ જાય ત્યાં સુધી તેને ઉકાળો.

સ્ટેપ ૧૦: આ દરમિયાન, જે ચિકન આપણે બાજુ પર રાખ્યું હતું, તેને બે કાંટા (Forks)ની મદદથી અથવા હાથથી નાના-નાના રેસા કરી લો (Shredded Chicken).

સ્ટેપ ૧૧: જ્યારે શાકભાજી બરાબર ચડી જાય, ત્યારે આ કટકા કરેલું ચિકન સૂપની અંદર ઉમેરી દો અને ચમચાથી ધીમેથી બધું હલાવીને મિક્સ કરી લો. સ્વાદ અનુસાર થોડું મીઠું અને કાળા મરીનો પાવડર ઉમેરો. ચિકન ઉમેર્યા પછી તેને વધુ ૨-૩ મિનિટ ઉકાળો જેથી ચિકન બધા મસાલા સોષી લે.

સ્ટેપ ૧૨: બસ, તમારો ગરમાગરમ હેલ્ધી સૂપ તૈયાર છે! ગેસ બંધ કરો અને ઉપરથી તાજી સમારેલી કોથમીર અને એક આખા લીંબુનો રસ નીચવો. લીંબુનો રસ સૂપને એક સરસ ચટાકેદાર ટેંગિ સ્વાદ આપશે અને વિટામિન-સી પણ પ્રદાન કરશે.