આજકાલની લાઇફસ્ટાઇલ જ કંઇક એવી થઇ ગઇ છે કે દર બીજી વ્યક્તિને આંખો પર ચશ્મા લાગેલા હોય છે. હવે આંખોના ચશ્માને ફેશન તરીકે ગણવામાં આવે છે. નાના નાના બાળકો પણ ચશ્મા પહેરી રહ્યા છે. એનું સૌથી મોટું કારણ છે આજકાલનું ખોટું ખાવાનું. જેનાથી શરીરને જરૂરી પોષક તત્વો મળતાં નથી અને એનાથી આંખોની રોશની ઓછી થઇ જાય છે. જો 40 થી 45 વર્ષના આયુષ્યમાં રોશની ઓછી થઇ જાય છે તો એને બીમારી કહી શકાય નહીં. વધતી ઉંમર સાથે રોશની ઓછી થવી એ સામાન્ય વાત છે.આંખોના ચશ્મા ઉતારવા અજમાવો આ ઘરગથ્થૂ ઉપાય..
આમળાનો જ્યૂસ અથવા પાવડરની ફાંકી
આમળામાં વિટામીન સીની માત્રા વધુ હોવાથી તે આંખો માટે ઘણા ફાયદાકારક છે. આમળાનું સેવન તમે પાવડર, કેપ્સ્યુલ, જામ કે પછી જ્યૂસ બનાવીને કરી શકો છો. જો કે સૌથી સારી રીત હોય તો રોજ સવારે મધની સાથે તાઝા આમળાનો રસ પીવાથી કે પછી રાત્રે ઉંઘતા પહેલા પાણીની સાથે એક ચમચી આમળા પાવડરની ફાંકી લેવાથી પણ તમને ફાયદો થઈ શકે છે. આ ફાંકી લીધા બાદ પાણી ન પીવું અને સવારે પણ આમળાનો રસ પીઓ તે પછી પણ તાત્કાલિક પાણી પીવાની મનાઈ છે.
બદામ,વરિયાળી અને ખાંડનું મિશ્રણ
સૌથી પહેલા સમાન પ્રમાણમાં ત્રણેય ચીજો લઇને એક સાથે પીસીને પાઉડર બનાવી લો. પછી આ પાઉડરને રોજે રાતે એક ચમચી સૂતા પહેલા દૂધ સાથે સેવન કરો. તમે ઇચ્છો તો મિશ્રીનું પ્રમાણ ઓછું પણ કરી શકો છો. તમે જોશો કે 10 થી 12 દિવસમાં તમને આંખની રોશનીમાં ફરક જોવા મળશે. પરંતુ જો તમને ડાયાબિટીસ હોય તો આ નુસ્ખાનો ઉપયોગ કરશો નહીં.
ત્રિફળા પાઉડરના પાણીથી આંખો ધોવી
એક ચમચી ત્રિફળા પાવડરને પાણીમાં ભેળવી દો અને આખી રાત તેને એમ જ રહેવા દો, સવારે ઉઠો ત્યારે એ પાણીને ગાળી લો અને તેનાથી તમારી આંખોને ધોઈ નાંખો. આંખને એ પાણીથી ધોતી વખતે મ્હોમાં જો તમે તાજુ પામી ભરી રાખો તો તેના કારણે વધુ ફાયદો થશે. આંખ ધોવી એટલે સારી રીતે ધોવી ઉપર ઉપરથી ધોવી તેને આંખ ધોયેલી ના કહેવાય એ યાદ રાખજો, આ પદ્ધતિથી એક જ મહિનામાં તમને ફરક દેખાવા લાગશે.
ગાજરનું સલાડ અથવા તો રસ
ગાજરમાં ફોસ્ફરસ, વિટામિન એ અને સી તેમજ આયર્ન વધુ માત્રામાં હોય છે, જેના કારણે ગાજર આંખો માટે ઘણાં અસરકારક માનવામાં આવે છે. જો તમે નિયમિત રૂપે કાચા ગાજર સલાડ બનાવીને ખાઓ અથવા તો તમે ગાજરનો રસ કાઢીને રોજ પીઓ તો તેના કારણે તમારી આંખોને ઘણો ફાયદો થાય છે અને તેના કારણે તમારી દૃષ્ટિ ઘણી જ મજબૂત બને છે એના કારણે તમારા ચશ્માના નંબર પણ ઉતરતા જાય છે.
બિલબેરી ખાવી
બિલબેરી એક પ્રકારના બોર જ છે, જો કે તે દેખાવે કાળી દ્રાક્ષ જેવી દેખાય છે, તે શરીરમાં રક્તનો પ્રવાહ વધારે છે, જો તમે તાજી બિલબેરી ખાઓ તો તમને રાત્રે ઓછુ દેખાવાની બિમારી હોય તો તે દૂર થાય છે અને તેના કારણે તમારી દૃષ્ટિ પણ વધુ મજબૂત બને છે. સમસ્યા એ છે કે બિલબેરી ગુજરાતના આંતરિયાળ અને છેવાડાના વિસ્તારોમાં જોવા મળે છે. તે બ્લ્યૂબેરી નથી એ પણ જાણી લો.
ખોરાકમાં પોષક તત્વોનું ધ્યાન
તમારો ખોરાક તમામ પોષક તત્વોથી ભરપુર હોવો જોઈએ, સંતુલિત આહાર માત્ર આંખો માટે નહીં પણ સમગ્ર શરીર માટે જરૂરી છે. ગાજરનો રસ, ઈંડા, દૂધ, લીલા શાકભાજી, ફળ, સુકો મેવો, કોબીજ, લીંબુ વગેરે તમારા રોજીંદા ખોરાકનો હિસ્સો હોવો જોઈએ. કઠોળને પણ તેમાં સ્થાન મળવું જરૂરી છે. જો કે સૌથી લાભકારક વસ્તુઓમાં કોઈપણ પ્રકારની ભાજીને તમે ખાસ સ્થાન આપો.
વહેલી સવારે ખુલ્લા પગે ઘાસમાં ચાલો
જો તમને વહેલી સવારે ઉઠી જવાની ટેવ હોય તો તમારે સવાર સવારમાં ઘરની નજીક કોઈ ગાર્ડન આવ્યું હોય તો ત્યાં ચાલ્યા જવું જોઈએ. આયુર્વેદ કહે છે કે વહેલી સવારે ઝાકળછાયા લીલા ઘાસ પર ખુલ્લા પગે ચાલવાથી દૃષ્ટિ તેજ બને છે. જો કે તેના માટે સૂર્યોદય થાય તે પહેલા ઉઠવું જરૂરી છે, જો તમે ચશ્માના નંબર ઉતારવા માંગો છો તો આ બાબતને તમારી દિનચર્યાનો એક ભાગ બનાવી લેવો જોઈએ.
સવારે ઊઠી હથેળી ઘસીને આંખોને શેક
સવારે જ્યારે પણ તમે ઉઠતા હો ત્યારે તમારા બંને હાથની હથેળીને એકબીજા સાથે પરસ્પર જોરથી ઘસો, અને જ્યારે તમારી હથેળીમાં ગરમાટો જેવું લાગે તે પછી બંને હથેળી તમારી આંખો પર મુકી દો, આ રીતે આંખોને શેક આપો. આવું સવારે ઉઠીને ઓછામાં ઓછું ચારથી પાંચ વાર કરો, એના કારણે તમારી આંખોને ઘણો ફાયદો થઈ શકે છે.
