સ્નાન કર્યા બાદ દરેક માણસ સારું અને ફ્રેશ અનુભવે છે. ગરમીની સિઝનમાં તો તમે કેટલી વખત ન્હાતા હશો. પરંતુ શું તમે જાણો છો કે દિવસના બદલે રાત્રે ન્હાવાથી તમને કેટલા ફાયદા મળી શકે છે. આમ કરવાથી તમે અનેક બિમારીઓથી દૂર રહો છો. બ્લડ પ્રેશર કંટ્રોલ કરવાથી લઇને સ્કિનને સુંદર બનાવવામાં પણ રાત્રે ન્હાવાનુ ઉપયોગી સાબિત થઇ શકે છે. આવો જાણીએ કે આ ઉપરાંત બીજા કયા-કયા ફાયદા થાય છે.

તન-મન રહેશે શાંત

જ્યારે તમે સ્નાન કરો છો આ તાત્કાલિક તમારા મન અને શરીરને રિલેક્સ કરે છે. તમારા મૂડને રિફ્રેશ કરીને મનને અને શરીર બંનેને શાંત કરવામાં રાત્રે સ્નાન કરવુ અત્યંત લાભદાયી છે. તણાવ ઘટાડવામાં પણ મદદ મળશે.

સારી ઊંઘ આવશે

આ ઉપરાંત જે લોકોને ઊંઘ આવતી નથી તેઓ રાત્રે સ્નાન કરી શકે છે. જેનાથી તમને સારી ઊંઘ આવશે. કારણકે સ્નાન કરવાથી તમે તણાવમુક્ત થઇ જાઓ છો. જેનાથી તમને સારી ઊંઘ આવે છે.

બીપી નહીં થાય હાઈ

જે લોકોને હાઈ બ્લડ પ્રેશરની ફરીયાદ વધુ રહે છે તેમણે રાત્રે ફરજીયાત ન્હાવુ જોઈએ. કારણકે સ્નાન કર્યા બાદ તમે રિલેક્સ મહેસુસ કરી શકો છો. એવામાં તમારું બીપી નોર્મલ રહેશે.

વજન પણ ઘટી જશે

શું તમે જાણો છો કે રાત્રે ન્હાવાથી વજન ઘટાડવામાં પણ મદદ મળી શકે છે. એટલું જ નહીં, માઇગ્રેન, શરીરનો દુ:ખાવો અને માથાના દુ:ખાવાની ફરીયાદ ઘટી જાય છે.

ત્વચાની સંભાળ રાખવી ખૂબ જ જરૂરી છે. નહીંતર ચહેરા પરની સુંદરતા બગડી શકે છે. પરંતુ ઘણી વખત યોગ્ય સ્કીન રૂટીન અપનાવવા છતાં ચહેરા પર ખીલ થાય છે. આનો અર્થ એ છે કે આપણે ક્યાંકને ક્યાંક ભૂલો કરી રહ્યા છીએ જેના કારણે ખીલ થાય છે. ચાલો જાણીએ કે ભૂલ ક્યાં થઈ રહી છે અને કેવી રીતે ખીલમાંથી મુક્તિ મેળવવી.
ખોટા સ્કિન કેર પ્રોડક્ટ્સનો ઉપયોગ

સ્કિન પ્રોડક્ટ્સ લગાવતા પહેલા એ જાણવું જરૂરી છે કે તમારી સ્કિન ઓઇલી, ડ્રાય કે નોર્મલ છે. જો તમે સ્કિનના હિસાબે ખોટી પ્રોડક્ટનો ઉપયોગ કરો છો તો તમે ત્વચાને નુકસાન પહોંચાડી રહ્યા છો અને તેમાંથી ખીલ થવા લાગે છે.
હાર્મફૂલ મેકઅપ પ્રોડક્ટ્સનો ઉપયોગ

મેકઅપ એટલા માટે કરવામાં આવે છે કારણ કે તે ચહેરાની સુંદરતામાં વધારો કરે છે પરંતુ મેકઅપની ઘણી એવી પ્રોડક્ટ્સ છે જેમાં કેમિકલનું પ્રમાણ ખૂબ વધારે હોય છે. આ સિવાય લાંબા સમય સુધી મેકઅપ લગાવી રાખવાથી ચહેરાને ઓક્સિજન મળતો નથી અને ખીલ થાય છે.

ફક્ત વાઇપ્સનો ઉપયોગ કરીને મેકઅપ હટાવવો

એવું નથી કે મેકઅપ દૂર કરવા માટે વાઇપ્સનો ઉપયોગ કરવો ખોટો છે. પરંતુ તેનો ઉપયોગ કર્યા પછી ફેસ વોશ પ્રોડક્ટ્સનો પણ ઉપયોગ કરવો જોઈએ. તેનાથી ચહેરા પરના તમામ પ્રકારના કેમિકલ દૂર થઈ જાય છે.

ચહેરા પર ખોટું ક્લીનઝર લગાવવું

યોગ્ય ક્લીનઝરની પસંદગી પણ ખૂબ જ મહત્વપૂર્ણ છે, નહીં તો ચહેરાની ત્વચાને નુકસાન થઈ શકે છે. તમારે ફોમવાળા ક્લીન્સરનો ઉપયોગ ન કરવો જોઈએ. તેમજ ત્વચાને એક્સ્ફોલિએટ કરવા માટે ક્લીનઝરનો ઉપયોગ કરવો જોઈએ નહીં. આમ કરવાથી ત્વચા ફાટવા લાગે છે. જો તમે શ્રેષ્ઠ પરિણામ મેળવવા માંગતા હો, તો ફક્ત વોટર બેસ્ડ ક્લીનઝર જ લગાવો.

આજ કાલ લોકો વાળને લઈને ઘણા એક્સપેરિમેન્ટ કરે છે. જેની અસર વાળ પર પડે છે. મોટાભાગના લોકો તેમના વાળને વોલ્યુમ આપવા, સ્ટાઇલ કરવા અને સૂકવવા માટે ઇલેક્ટ્રોનિક્સ કે ડ્રાયરનો ઉપયોગ કરે છે. જેના કારણે વાળ શુષ્ક થઈ જાય છે. એવામાં જો તમારા વાળ ડેમેજ થઈ ગયા છે. તો તમારે તેમની ખાસ કાળજી લેવી જોઈએ. એવામાં તમે ડેમેજ હેરને સુધારવા માટે કેટલાક ઉપાયો અપનાવી શકો છો. ચાલો અમે તમને જણાવીએ કે ડ્રાય વાળને ઠીક કરવા માટે તમારે શું કરવું જોઈએ?

દહીં
દહીં વાળ માટે કન્ડિશનરનું કામ કરે છે. તે વાળને મુલાયમ અને ચમકદાર બનાવે છે અને ડેન્ડ્રફની સમસ્યા પણ દૂર કરે છે. આ માટે દહીંમાં એક ચમચી મધ મિક્સ કરીને પેસ્ટ બનાવો અને તેને વાળમાં લગાવો. આમ કરવાથી તમારા વાળમાં ચમક આવશે.

એલોવેરા
વાળને પોષણ આપવાનો શ્રેષ્ઠ અને સરળ રસ્તો એલોવેરાનો ઉપયોગ છે. એલોવેરા આપણી ત્વચા અને વાળ બંને માટે ફાયદાકારક છે. વાળમાં તેનો ઉપયોગ કરવા માટે તમે એલોવેરાના તાજા પાંદડામાંથી તેનો રસ કાઢીને વાળમાં લગાવી શકો છો. આમ કરવાથી તમારા વાળમાં ચમક આવશે.

ઈંડુ
ડેમેજ વાળને પોષણ આપવા માટે તમે ઇંડાનો ઉપયોગ કરી શકો છો. ઈંડામાં પ્રોટીન હોય છે જે વાળના વિકાસ માટે ખૂબ જ જરૂરી છે. આ માટે અઠવાડિયામાં એકવાર વાળ પર એગ હેર માસ્ક જરૂર લગાવો.