બોલિવુડ એક્ટ્રેસ કૃતિ સેનન સોશોયલ મિડિયામાં ખૂબ એક્ટિવ રહેતી હોય છે. અને હવે કૃતિ સેનનની એક તસ્વીર સોશિયલ મીડિયા પર ખૂબ વાયરલ થઈ રહી છે. આ તસ્વીરમાં કૃતિ પ્રેગ્નેટ જોવા મળી રહી છે. હંમેશા સ્લિમ ટ્રીમ રહેનાર કૃતિનું વજન 15 કિલો વધી પણ ગયું છે.
હકીકતે તેની આ વાયરલ તસ્વીર તેની આવનાર ફિલ્મ ‘મિમી’ના સેટ પરનો છે. જેમાં તે પોતાના બેબી બમ્પ સાથે જોવા મળી રહી છે. લક્ષ્મણ અટકેરના નિર્દેશનમાં બનેલી ફિલ્મ ‘મિમી’માં કૃતિ સેનન એક સેરોગેટ મધરની ભુમિકામાં જોવા મળવાની છે. આ ફિલ્મમાં પંકજ ત્રિપાઠી, સુપ્રિયા પાઠક અને પાહવા જેવા અનુભવી કલાકાર જોવા મળશે.
ફિલ્મમાં પોતાની ભુમિકાને જીવંત કરવા માટે કૃતિ સેનને 15 કિલો વજન વધારી લીધું છે. કોઈ એક્ટ્રેસ માટે પોતાનું વજન વધારવું ખુબ મોટી વાત હોય છે. પરંતુ કૃતિએ પોતાના કેરેક્ટરને જીવંત બનાવવા માટે આટલું વજન વધાર્યું છે. તસ્વીરમાં કૃતિનો બેબી બમ્પ જોવા મળી રહ્યો છે અને તે કોઈ લોનમાં બેઠેલી જોવા મળી રહી છે. આ તસ્વીરથી સ્પષ્ટ જોઈ શકાય છે કે તેણે આ ભુમિકા માટે ખૂબ મહેનત કરી છે.
‘મિમી’ આ મરાઠી ફિલ્મ ‘મલા આઈ વ્હાયચંય’ની રીમેક છે. આ એક એવી મહિલાની કહાની છે જે એક દંપત્તિ માટે સરોગેટ માતા બનવાથી ઈનકાર કરી દે છે. પરંતુ આ એક ઈનકારના કારણે તેનું જીવન હંમેશા માટે બદલાઈ જાય છે.
જણાવી દઈએ કે કૃતિ સેનનની સાથે અક્ષય કુમાર પણ આ ફિલ્મમાં મુખ્ય ભુમિકામાં જોવા મળશે. કૃતિ આ રોલને લઈને ખૂબ ઉત્સાહિત જોવા મળી રહી છે. તમને જણાવી દઈએ કે કૃતિ પહેલા ભૂમિ પેડનેકરે પણ પોતાની ફિલ્મ ‘દમ લગા કે હઈશા’ માટે 12 કિલો વજન વધાર્યું હતું.
