આયુષ્માન ખુરાના અને તાહિર કશ્યપની દીકરી વરુશ્કાનો આજે છઠ્ઠો જન્મદિવસ છે. લોકડાઉનને કારણે તેમણે ઘરે જ જન્મદિવસ સેલિબ્રેટ કર્યો છે. કપલે દીકરીના જન્મદિવસનું ડેકોરેશન અલગ રીતે કર્યું હતું. તેમણે ઘરમાં રહેલ નકામી વસ્તુઓ અને પેપરનો ફરીવાર યુઝ કરીને ડેકોરેશન કર્યું હતું. બર્થડે પાર્ટી માટે ફુગ્ગા અને બીજો સામાન ન હતો માટે ઘરમાં જે વસ્તુ હતું તેને કલર કરીને ડેકોરેશન કર્યું.
આયુષ્માન ખુરાનાએ પોસ્ટ શેર કરી લખ્યું હતું કે, હેપ્પી બર્થડે વરુશ્કા. આ ક્વોરન્ટીન આપણને ઘણું બધું શીખવી રહ્યું છે. તેના બર્થડે ડેકોરેશન માટે વેસ્ટ પ્રોડક્ટ્સ અને રિસાયકલિંગ પેપરનો ઉપયોગ કર્યો. આ જન્મદિવસ હંમેશાં યાદ રહેશે.
તાહિરા કશ્યપે ડેકોરેશનનો વીડિયો શેર કરી લખ્યું હતું કે, આ મારી છ વર્ષની દીકરીનો યુનિક લોકડાઉન બર્થડે છે. મેં અને આયુષ્માને આ બર્થડે બેસ્ટ બનાવવા માટે પૂરતી મહેનત કરી છે.
