લોકડાઉનના કારણે બંધ થયેલા શૂટિંગ હવે ધીમે ધીમે પાછા શરૂ થઇ રહ્યા છે,હમણા થોડા દિવસ પહેલા જ દિપીકા પાદુકોણ અને બાહુબલી ફેમ પ્રભાસની ફિલ્મ વિશે જાહેરાત કરવામાં આવી હતી.જેના લીધે બન્નેના ફેન્સ ખૂબ ખુશ હતા.
ત્યારે હવે આ ફિલ્મથી જોડાયેલી કેટલીક વાતો સામે આવી રહી છે. જ્યારે મીડિયા રિપોર્ટ્સમાં દીપિકાની ફીને લઈને પણ દાવો કરવામાં આવ્યો છે. એવું કહેવાઈ રહ્યું છે કે, આ ફિલ્મ માટે દીપિકાએ તગડી ફી ચાર્જ કરી છે અને તે ભારતીય સિનેમાની અત્યાર સુધીની સૌથી વધુ ફી ચાર્જ કરનાર એક્ટ્રેસ બની ગઈ છે.
આ ફિલ્મથી આ જોડી પહેલીવાર સાથે જોવા મળશે, સૂત્રો મુજબ દીપિકાએ આ ફિલ્મ માટે 20 કરોડ રૂપિયા ચાર્જ કર્યા છે. એક રિપોર્ટ પ્રમાણે દીપિકા અત્યારે ફિલ્મો અને એક્ટરની ફી પ્રમાણે પોતાની ફી વધારી રહી છે. દીપિકા માને છે કે, તેણે તેની મહેનતથી એ મુકામ હાંસલ કર્યું છે જ્યાં તે ફીના મામલે જેન્ડર ઈક્વાલિટીની હકદાર છે.
મળતી માહિતી મુજબ આ ફિલ્મ માટે દીપિકાની ફી પ્રભાસ જેટલી નથી. પ્રભાસે આ ફિલ્મ માટે 50 કરોડ મળ્યા છે, પરંતુ સાથે જ દીપિકા 20 કરોડ રૂપિયા ચાર્જ કરીને ઈન્ડ્સ્ટ્રીની સૌથી વધુ ફી લેનાર એક્ટ્રેસ બની ચૂકી છે. દીપિકાએ સૌથી વધુ ફી ચાર્જ કરવામાં પોતાનો જ રેકોર્ડ તોડ્યો છે. તેણે પદ્માવત માટે સૌથી વધુ 13 કરોડ રૂપિયા ફી ચાર્જ કરી હતી.
વાત કરવામાં આવે આ ફિલ્મની તો આ ફિલ્મને વેજયંતી મૂવીઝ પ્રોડ્યૂસ કરી રહ્યું છે અને ડિરેક્શન અશ્વિન નાગ કરશે. ભારતીય સિનેમાના 50 વર્ષોને યાદગાર બનાવવા માટે બાહુબલી પ્રભાસ અને દીપિકા પાદુકોણ સાથે આ ફિલ્મ બનાવવાની જાહેરાત કરી છે. આ પ્રભાસની 21મી ફિલ્મ હશે. આ ફિલ્મ સાયન્સ ફિક્શન પર બેસ્ડ હશે.
