વિદ્યુત જામવાલની ફિલ્મ ખુદા હાફીઝનું દમદાર ટ્રેલર રિલીઝ થઈ ચૂક્યું છે. રોમેન્ટિક એક્શન અને થ્રિલરથી ભરપુર ફિલ્મમાં વિદ્યુત એક લાચાર પતિના રોલમાં જોવા મળે છે. જેની પત્ની લાપત્તા થઈ ગઈ છે.
બે મિનિટ અને 12 સેકન્ડના આ ટ્રેલરમાં વિદ્યુત જામવાલની દમદાર એક્ટિંગ જોવા મળી રહી છે. આ ફિલ્મમાં તેની સાથે શિવાલિકા ઓબેરોય પણ કામ કરી રહી છે.ખુદા હાફીઝ ભારતમાં રહેનારા એક એવા કપલની વાત લઈને આવે છે જે બહેતર કરિયરની શોધમાં વિદેશમાં કામ કરવાનો નિર્ણય કરી લે છે.
શિવાલિકા નરગીસના રોલમાં છે. ટ્રેલરમાં જોવા મળે છે તે મુજબ નરગીસ રહસ્યમય સંજોગોમાં લાપત્તા થઈ જાય છે. એક લાચાર પતિ સમીર તેની પત્નીની શોધખોળમાં લાગી જાય છે. અને પછી શરૂ થાય છે જોરદાર એક્શન. કમાન્ડો જેવી ફિલ્મમાં શાનદાર એક્ટિંગ કરી ચૂકેલા વિદ્યુત જામવાલનો આ ફિલ્મમાં પણ એક્શન અવતાર જોવા મળે છે. ફારુખ કબીરે આ ફિલ્મનું દિગ્દર્શન કર્યું છે.
રેડ, સ્પેશિયલ 26 અને ઓમકારા જેવી ફિલ્મો આપનારા પ્રોડ્યુસર કુમાર મંગત પાઠકે જ આ ફિલ્મ પ્રોડ્યુસ કરી છે. ડિઝની પ્લસ હોટસ્ટાર પર 14મી ઓગસ્ટે આ ફિલ્મ રિલીઝ થશે. વિદ્યુત જામવાલ 2019માં કમાન્ડો ફિલ્મમાં જોવા મળ્યો હતો. તેની ફિલ્મ યારા પણ આ વર્ષે રિલીઝ થવાની છે જેમાં ચાર મિત્રોની સ્ટોરી જોવા મળશે.
