(source by oneindianews)
કોરોના વાયરસના કહેરથી કોઇ પણ મોટો દેશ બકાત નથી,વિશ્ર્વની મહાસત્તા પણ બકાત નહિ.આ બધાની વચ્ચે ચીનની ગુપ્તચર એજન્સીના એક સૈન્ય અધિકારીએ એક લેખ લખ્યો છે. આ લેખને કારણે ચીન હવે આખી દુનિયા વચ્ચે ઘેરાઇ ગયું છે. આ અધિકારીનું કહેવું છે કે જો તેની ઓળખ જાહેર થશે તો તેના જીવ પર જોખમ છે. આ સાથે તેણે ખૂબ સ્પષ્ટ રીતે જણાવ્યું છે કે તેની પાસે એવી નક્કર માહિતી છે જે બહાર આવશે તો ચીનમાં સત્તા પલટો થવાની શક્તિ છે. આ અધિકારીએ ચીને કોરોના વાયરસ મુદ્દે શું શું જૂઠું બોલ્યું છે તે જણાવ્યું અને સાથે કહ્યું કે કોરોનાનું સત્ય શું છે?
કોરોના પર ચીને ચલાવ્યું આવડું મોટું જુઠ્ઠાણું :
કોરોના વાયરસ પર ચીનના જુઠ્ઠાણાંનો પર્દાફાશ કરનારો લેખ લખનાર ગુપ્તચર અધિકારી પણ ચીનના કમ્યુનિસ્ટ પાર્ટીના સભ્ય છે. આ અધિકારીએ દાવો કર્યો છે કે ચીન હોંગકોંગમાં વિરોધ પ્રદર્શનની આગને રોકવા માંગે છે. આ પ્રદર્શનોને રોકવા માટે ચીને ખાસ પ્રકારના ‘બાયોલોજિકલ એજન્ટ’ તૈયાર કરવાની કામગીરી શરૂ કરી હતી. આ ‘બાયોલોજિકલ એજન્ટ’ ને જો હેલિકોપ્ટરની મદદથી પ્રદર્શનકારીઓ ઉપર છાંટવામાં આવે, તો તે જેના પર પડે તે માનસિક વિકૃત થઈ જાય. બાયોલોજિકલ એજન્સ વ્યક્તિનું સમગ્ર વર્તન બદલી નાખે તેવી ક્ષમતા ધરાવે છે. જેમણે લેખ લખ્યો છે તે અધિકારી પોતે પણ ચીનના આ “બાયોલોજિકલ એજન્ટ” તૈયાર કરવાના પ્રોજેક્ટનો એક ભાગ હતા.
“બાયોલોજિકલ એજન્ટ” પ્રોજેક્ટ હાલ રોકી દેવાયો:
આ પ્રોજેક્ટને અટકાવી દેવામાં આવ્યો હતો કારણ કે હોંગકોંગનું પ્રદર્શન વિશ્વની નજર હેઠળ હતું અને આવા જૈવિક એજન્ટનો છંટકાવ કરવો તે ખૂબ જોખમી બની શકતો હતો. આ જૈવિક શસ્ત્રની ચકાસણી માટે ચીને ઇસ્લામિક કટ્ટરવાદીઓની કસોટી કરી હતી. જિનજિયાંગ પ્રાંતના એક તાલીમ શિબિરમાં ચીને તેનું પરીક્ષણ કર્યું હતું. જ્યારે ચીને લોકોના શરીર પર આ ખતરનાક એજન્ટનું પરીક્ષણ કર્યું હતું, ત્યારે પરિણામો ભયાનક હતા. બાયોલોજિક એજન્ટ જેમના શરીર પર છાંટવામાં આવ્યા હતા તે લોકોના શરીર ઓગળવા લાગ્યા હતા. તમે અનુમાન લગાવી શકો છો કે ચીનનું આ પગલું કેટલું અમાનવીય હતું.
અમેરિકાએ ચીન પાસેથી ‘વાયરસ’ માંગ્યો?:
તમારા મનમાં પણ સવાલ થશે કે કોરોના ચીનના વુહાન પ્રાંતથી કેમ ફેલાયો? એવું તો શું બન્યું કે જ્યાં પરીક્ષણ ચાલતું હતું તે વુહાનમાં કોરોના ફેલાઇ ગયો? ચીનના અધિકારીએ આ સવાલનો જવાબ આપ્યો છે. ચીની અધિકારીના જણાવ્યા અનુસાર અમેરિકાની ગુપ્તચર એજન્સી, સેન્ટ્રલ ઇન્ટેલિજન્સ એજન્સી (CIA)ને પણ આ “બાયોલોજિકલ એજન્ટ” તૈયાર થઇ રહ્યો હોવાની ગુપ્ત માહિતી મળી હતી. અમેરિકાની ગુપ્તચર એજન્સી સીઆઈએ પણ તેમાં રસ દાખવી રહી હતી. ચીને લેબમાં બનાવેલા વાયરસને એમેરિકાએ પહેલાથી જ પકડી પાડ્યો હતો.
વાયરસ અંગે ચીન-અમેરિકા વચ્ચે સોદો થયો?:
ચીનના અધિકારીએ પોતાના લેખમાં લખ્યું છે કે, ચીન અને અમેરિકા વચ્ચે વાયરસના વ્યવહાર અંગે સોદો કેમ થઈ ના શક્યો. અધિકારીએ લખ્યું, “અમારા અમેરિકન મિત્રોએ પણ વાયરસ પ્રત્યે રસ દાખવ્યો. સીઆઈએ સાથે અમારા સારા સંબંધો છે પરંતુ તે ખૂબ ખતરનાક હોવાથી અમે ના પાડી. સીઆઈએને લાગ્યું કે આપણે એક ખૂબ શક્તિશાળી વસ્તુ બનાવી છે અને ચીન તે તેને પોતાની પાસે જ રાખવા માંગે છે યુ.એસ.ની ગુપ્તચર એજન્સીએ ચીનના સંશોધનકર્તાને મોટી રકમની ઓફર કરી અને તે વાયરસની માંગ કરી. સંશોધનકાર વાયરસનો નમૂનો યુ.એસ. એજન્સીને વેચવા તૈયાર થઇ ગયો હતો.
તો વાયરસ અમેરિકાને શા માટે ના મળી શક્યો?:
રિસર્ચર અમેરિકાના વાયરસ વેચવા તૈયાર થઇ ગયો હોવા છતાં આ વાયરસ અમેરિકાને ના મળી શક્યો. તેની પાછળની કહાની બિલકુલ ફિલ્મી છે. જ્યારે યુએસ એજન્ટ ચીનના સંશોધનકર્તા પાસેથી વાયરસ ખરીદવા આવ્યો અને ડીલ કરી રહ્યો હતો ત્યારે ચીનને આ અંગેનો અંદાજ આવી ગયો હતો. ચીન આ વાયરસ અમેરિકાને આપવા તૈયાર ન હતું. આ માટે ડીલના સ્થળે ઝપાઝપી થઇ અને તેમાં ગોળીબાર થયો. આ ગોળીબારમાં ઘણા લોકોનાં મોત નીપજ્યાં. જોકે, અમેરિકન એજન્ટ નાસી છૂટવામાં સફળ રહ્યો. આ ગોળીબાર પશુ બજારની નજીક થયો હતો. આ ઝપાઝપીમાં જે શીશીમાં વાયરસના સેમ્પલ હતા તે પણ ત્યાં પડી ગઇ હતી. આ જ કારણ છે કે આ વાયરસ વુહાનમાં ફેલાયો છે. ચીને આ વાયરસ એમ કહીને છુપાવવાનો પ્રયાસ કર્યો કે તે ચામાચીડિયાથી ફેલાય છે. ચીને લોકો સમક્ષ જુઠ્ઠાણું ચલાવ્યું કે વુહાનમાં ફક્ત ફલૂ ફેલાયો છે. ધીરે ધીરે આખું વિશ્વ આ વાયરસની સકંજામાં આવી ગયું.
