બોલીવુડની મોસ્ટ એવેટેડ રોહિત શેટ્ટી નિર્દેશિત ફિલ્મ ‘સૂર્યવંશી’ નું ટ્રેલર રિલીઝ થઈ ગયુ છે. તે સાથે જ ટ્રેલરની રાહ જોતા ફેન્સનું પેશન્સ પણ ખતમ થઈ ગયુ છે.
અક્ષય કુમારની સાથે એક્શન પેક્ડ ફિલ્મમાં આ વખતે સિંઘમ અને સિંબાનો પણ તડકો જોવા મળશે. તો કેટરીના સાથે અક્ષયની કેમિસ્ટ્રી એક વખત ફરી મોટા પડદા પર નજર આવશે.
ટ્રેલરમાં સૂર્યવંશી ફિલ્મની કહાનીની એક ઝલક જોવા મળી છે. જેમાં અક્ષય કુમાર એક એન્ટી ટેરરિજ્મ સ્ક્વોડ કોપ છે, જે દેશ માટે કંઈ પણ કરી શકે છે. તેમના પરિવારમાં તેમની પત્ની કટરીના કૈફ અને એક બાળક છે. આ ફિલ્મમાં અક્ષયને એક અજ્ઞાત હુમલાની જાણ થાય છે, પરંતુ તે દરમિયાન વીર પોતાના બાળકને ગુમાવી બેસે છે.
ટ્રેલરના અંતમાં રણવીર સિંહની એન્ટ્રી થાય છે, પરંતુ આ સરપ્રાઈઝ નથી કારણ કે, તેમની એન્ટ્રી બાદ સિંઘમ એટલે કે, અજય દેવગનની પણ ધમાકેદાર એન્ટ્રી થાય છે.
અક્ષય કુમારની ફિલ્મનું ટ્રેલર જોયા બાદ લોકો એટલી હદ સુધી ઈમ્પ્રેસ થઈ ગયા છે કે, આ ફિલ્મને માસ્ટરપીસ બતાવી રહ્યા છે. આ ફિલ્મના ટ્રેલરને મળી રહેલા શાનદાર રિસ્પોન્સને જોઈને કહી શકાય છે કે, સૂર્યવંશની બોક્સ ઓફિસ પર રાજ કરનાર ફિલ્મ બનશે. ઉલ્લેખનીય છે કે, ફિલ્મ સૂર્યવંશી આગામી 24 માર્ચના રોજ રીલિઝ થશે.
ઉલ્લેખનીય છે કે, ફિલ્મ ‘સૂર્યવંશી’ રોહિત શેટ્ટીની કૉપ સીરીઝની આ ચોથી ફિલ્મ હશે. આ પહેલા તેઓ સિંઘમ, સિંઘમ 2 અને સિંબા જોવી ફિલ્મ બનાવી ચૂક્યા છે. સિંઘમ અને સિંઘમ 2માં રોહિત શેટ્ટીએ અજય દેવગણની સાથે, સિંબામા રણવીર સિંહ સાથે કામ કર્યુ હતું. આ ત્રણેય ફિલ્મોને દર્શકોએ ખૂબ જ પસંદ કરી હતી. હવે સૂર્યવંશનીમાં પણ રોહિત શેટ્ટી ફરીથી તે જ કમાલ દેખાડવા માટે ફરી એક વખત તૈયાર છે.
