કોરોના કાળમાં જે વસ્તુ સૌથી વધુ ઉપયોગી છે માસ્ક અને હવે તો માસ્ક એક ફેશન પણ બની ગયું છે.જે લોકો માસ્ક નથી પહેરતા તેમના માટે સરકારે કાયદો બનાવ્યો અને માસ્ક ન પહેરેતો દંડની જોગવાઇ કરી છે. જોકે આ કાયદાથી મોર્નિંગ વોકર્સ, ડાયાબિટીસ, કાર્ડિયાકના દર્દી અને એથલિસ્ટ્સ હેરાન થઈ ગયા છે. કેમકે માસ્ક સાથે તેઓ યોગ્ય વર્કઆઉટ કરી શકતા નથી.
જો કોરોનાથી બચવું હોય તો માસ્ક પહેરવો પડશે, પણ તે માસ્ક પહેરીની કસરત કે વર્ક આઉટ કંઇ રીતે કરવું એ મોટો પડકાર છે.માસ્ક પહેરીને વર્કઆઉટ કરવું મુશ્કેલ પડે છે. સામાન્ય સંજોગોમાં જે શ્વાસ લેવાય છે, વર્કઆઉટ સમયે માસ્ક હોવાથી લઇ શકાતો નથી. વર્ક આઉટ સમયે શરીરને ઓક્સિજનની જરૂરિયાત વધારે હોય છે. પણ માસ્ક હોવાથી તે લઇ શકાતો નથી. આના પરિણામે ઘણીવાર અનિચ્છાએ વર્કઆઉટ ટૂંકાવી દેવું પડે છે.
કોઇ પણ પ્રકારનું વર્કઆઉટ કરતી વખતે માસ્ક પહેરી શકાય નહિ અને ખાસ કરીને એન-95 માસ્કનો ઉપયોગ વર્કઆઉટ સમયે ક્યારેય ન કરવો. ડોક્ટરના કહેવા પ્રમાણે જ્યારે વર્કઆઉટ કરતા હોઇએ ત્યારે શરીરમાં લોહીનુ પરિભ્રમણ ઝડપી થાય છે અને આ માટે શરીરને વધારે ઓક્સિજનની જરૂર પડે છે.
વર્કઆઉટ દરમિયાન માસ્ક પહેર્યો હોવાથી શરીરમાંથી ઉશ્વાસ રૂપે બહાર નીકળેલો કાર્બન ડાયોક્સાઇડ ફરી શરીરમાં જાય છે, જેના કારણે શરીરમાં કાર્બન ડાયોક્સાઇડનુ પ્રમાણ વધવા લાગે છે અને વ્યક્તિને ચક્કર આવવા તથા માથું દુખાવાની સમસ્યા સર્જાઇ શકે છે.
ઘણા કિસ્સાઓમાં વ્યક્તિના ફેફસા ફેલ થવાની સમસ્યા પણ સર્જાઇ શકે છે. જો કાર્ડિયક કે ડાયાબિટીસના દર્દીઓ વર્ક આઉટ કરવું ફરજીયાત હોય તો તેમણે પોતાના નિવાસ સ્થાને જ કોઇ વ્યવસ્થા કરવી જોઇંએ.